(ඩයනා උදයංගනී)

සංචරණ සීමා ක්‍රියාත්මක වන හෙට (24) දිනයේදී කිසිඳු දුම්රියක් ධාවනය නොකරන බව දුම්රිය නියෝජ්‍ය සාමාන්‍යාධිකාරී (ගමනාගමන) ගාමිණී සෙනෙවිරත්න මහතා පවසයි.

සංචරණ සීමා ඉවත් කිරීමෙන් පසු යළිත් අනිද්දා (25) සිට දුම්රිය සීමිත ප්‍රමාණයක් ධාවනය කෙරෙන බව ද සෙනෙවිරත්න මහතා කියයි.

මේ දිනවල ධාවනය වූ දුම්රිය සංඛ්‍යාව ප්‍රමාණවත් නොවූ බවට මගීන්ගෙන් ලැබුණු පැමිණිලි හේතුවෙන් තවත් දුම්රිය ගමන් වාර කිහිපයක් ක්‍රියාත්මක කිරීමට පියවර ගෙන ඇතැයි ද නියෝජ්‍ය දුම්රිය සාමාන්‍යාධිකාරීවරයා සඳහන් කරයි.