(සුමිත් ප්‍රේමතිලක)

දොඩම්ගොඩ ප්‍රදේශයේ ඇඟලුම් කර්මාන්ත ශාලාවකින් කොරෝනා ආසාදිතයන් 20 දෙනකුට  හඳුනැගනීම නිසා එම කාර්මාන්ත ශාලාව තාවකාලිකව වසා දැමීමට පියවර ගත් බව කළුතර ප්‍රාදේශීය පරිපාලන මහජන සෞඛ්‍ය පරීක්ෂක ආර්. ජී. සිංහබාහු මහතා පවසයි.

එම කර්මාන්ත ශාලාවේ සේවකයන් එකසිය තිස් හතර දෙනකු වෙනුවෙන් කරන ලද පීසීආර් පරීක්ෂණවලදී 20 දෙනකුට කොවීඩ් 19 වෛරසය වැලඳී ඇති බවට තහවුරු වී ඇත.

එම ආසාදිතයන්ගේ පළමු පෙළ ආශ්‍රිතයන් සිය දෙනකු වෙනුවෙන් පීසීආර් පරීක්ෂණ සිදුකරන බව ඒ මහතා පැවසීය .

මතුගම, දොඩන්ගොඩ, කළුතර සහ බේරුවල ප්‍රදේශයේ පදිංචිකරුවන් බව සෞඛ්‍ය අංශ පවසයි.