(දයාරත්න ඇඹෝගම)
එක්සත් ජාතික පක්ෂ ආධාරකරුවන්ට පමණක් බෙදාදීමට සැලසුම් කර ඇති, තඹුත්තේගම ප්රාදේශීය ලේකම් කාර්යාලයට ලොරි 7කින් රැගෙන ආ සෙවිලි තහඩු බෙදීම වහාම අත්හිටුවන ලෙසට උතුරු මැද පළාත් සභාවේ හිටපු සභාපති ටී.එම්.ආර්.සිරිපාල මහතා විසින් අනුරාධපුර මැතිවරණ කාර්යාලයට අද(13) පැමිණිලි කර තිබේ.
මේ සම්බන්ධයෙන් අදහස් දැක්වූ උතුරු මැද පළාත් සභාවේ හිටපු සභාපති ටී.එම්.ආර්.සිරිපාල මහතා මෙසේද පැවසිය.
“අද (13) උදෑසන සිට කොළඹින් ලොරි හතකින් දහස් ගණනක් සෙවිලි තහඩු රැගෙන ආවා. එම සෙවිලි තහඩු තඹුත්තේගම ප්රාදේශීය ලේකම් කාර්යාලයේ ගොඩ ගසා තිබෙනවා. මේ තහඩු ජනතාවට බෙදා දෙනවාට අපේ විරුද්ධතාවයක් නැහැ. ඒත් තහඩු නීතිවිරෝධී ආකාරයට එක්සත් ජාතික පක්ෂ ආධාරකරුවන්ට පමණක් බෙදාදීමට සැලසුම් කර තිබෙනවා.
මේ ජනාධිපති මැතිවරණ සමයේ මැතිවරණ නීතිරිති උල්ලංඝණය කරමින් සෙවිලි තහඩු බෙදීමට අපි විරුද්ධයි. එනිසා මේ සම්බන්ධයෙන් අපි මැතිවරණ දෙපාර්තමේන්තුවේ අනුරාධපුර කාර්යාලයට පැමිණිලි කළා. මේ සම්බන්ධයෙන් සොයා බලා නීතිමය ක්රියා මාර්ගයක් ගන්න. මැතිවරණය අවසන් වන තෙක් මෙම සෙවිලි තහඩු බෙදාදීම අත් හිටුවන්නැයිද ඉල්ලා සිටිනවා” යැයි කීය.
මේ සම්බන්ධයෙන් අනුරාධපුර දිස්ත්රික් ලේකම් ආර්.එම්.වන්නිනායක මහතාගෙන්ද තඹුත්තේගම ප්රාදේශිය ලේකම් රේණුකා වන්සේකර මහත්මියගෙන්ද විමසු අවස්ථාවේ ඔවුන් කියා සිටියේ මෙම සෙවිලි තහඩු ගම්පෙරළිය වැඩසටහන යටතේ මීට මාස කිහිපයකට පෙර ඇණවුම් කල සෙවිලි තහඩු තොගයක් බවයි. තහඩු බෙදාදීම සම්බන්ධයෙන් මෙතෙක් තීරණයක් ගෙන නොමැති බවත්, ඒවා බෙදාදීමට අවශ්ය වුවහොත් මැතිවරණ කොමිෂන් සභාවේ අනුමැතිය ලබාගෙන ඒ සම්බන්ධයෙන් කටයුතු කරන බවත් ඔවුහු පැවසුහ.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
තහඩු බෙදන්න යාම ගැන මැතිවරණ කොමිසමට පැමිණිල්ලක්
ravi Sunday, 13 October 2019 10:16 AM
ඔය තියෙන්නේ...වහල්ලුන්ට, ගෝත්රිකයින්ට ඡන්දේ හුවමාරුවට තහඩු දීලා.
kasunSunday, 13 October 2019 03:59 PM
තහඩු ප්රතික්ෂේප කරපු කෙනෙක් ඉන්නවාද?
Sumith Sunday, 13 October 2019 01:12 PM
ඕවට ජනතාව රැවටෙන්නේ නෑ.පොහොට්ටුවට ජය නියතයි.