IMG-LOGO

තිස්සගේ නඩුව බේරගන්න හේතු කියන්න දින දෙයි

(මනෝප්‍රිය ගුණසේකර)
 
මෛත්‍රීපාල සිරිසේන මහතා සහ රනිල් වික්‍රමසිංහ මහතා අතර ගිවිසුමක් ඇති බවට කූඨ ලෙස සකස් කළ ලියවිල්ලක් මාධ්‍යයට ඉදිරිපත් කළ බවට චෝදනා ලැබ සිටින එක්සත් ජාතික පක්‍ෂයේ හිටපු මහලේකම් තිස්ස අත්තනායක මහතාට එරෙහි නඩුව කෙටි ක්‍රමයකින් අවසන් කර ගැනීම සඳහා ගන්නා ඉදිරි ක්‍රියාමාර්ග ලබන 24 වැනිදා දැනුම් දෙන ලෙස කොළඹ මහාධිකරණ විනිසුරු විකුම් කළුආරච්චි මහතා අද (25) දැනුම් දුන්නේය.

මෙම නඩුවට මුල් වු කූඨ ලෙස සකස් කළ ලියවිල්ලක් මාධ්‍යයට ඉදිරිපත් කළැයි කියන සිද්ධිය සම්බන්ධයෙන් කණගාටුව පළකර සමාව අයැදින්නේ නම් මෙම සිද්ධිය සමථයට පත් කරගැනීමට ජනාධිපතිවරයා මෙන්ම අගමැතිවරයා ද එකඟ බවට වු කරුණ සම්බන්ධයෙන් තිස්ස අත්තනායක මහතා සමඟ සාකච්ඡා කර දැනුම්දීම සඳහා දිනයක් ලබාදෙන්නැයි ජනාධිපති නීතීඥ කාලිංග ඉන්ද්‍රතිස්ස මහතා කළ ඉල්ලීමක් සැළකිල්ලට ගත් විනිසුරුවරයා එලෙස දැනුම් දුන්නේය.

මෙම නඩුව විභාග කිරීම සඳහා කැඳවනු ලැබු අවස්ථාවේදී මෙම නඩුවේ විත්තිකාර එක්සත් ජාතික පක්‍ෂයේ හිටපු මහලේකම් තිස්ස අත්තනායක මහතා අධිකරණයේ පෙනී සිටියේය. 

2014 දෙසැම්බර් මස 31 වැනිදා හෝ ඊට ආසන්න දිනයක කොළඹදී මෛත්‍රීපාල සිරිසේන මහතා සහ රනිල් වික්‍රමසිංහ මහතා අතර ගිවිසුමක් ඇති බවට කූඨ ලෙස සකස් කළ ලියවිල්ලක් මාධ්‍යයට ඉදිරිපත් කිරිමෙන් දඬුවම් ලැබිය හැකි වරදක් සිදු කර ඇති බව නීතිපතිවරයා විසින් චෝදනා නගනු ලැබ ඇත.

රනිල් වික්‍රමසිංහ මහතා සහ මෛත්‍රීපාල සිරිසේන මහතා අතර ගිවිසුමක් ඇති බවට පසුගිය ජනාධිපතිවරණයට ආසන්න අවස්ථාවේ පවසමින් කූඨ ලෙස සකස් කළ ලියවිල්ලක් මාධ්‍ය වෙත ඉදිරිපත් කිරීමෙන් එවර ජනාධිපතිවරණයේ අපේක්‍ෂකයකු වූ මෛත්‍රීපාල සිරිසේන මහතාගේ මැතිවරණ ප්‍රතිඵලයට බලපෑ හැකි ආකාරයට කටයුතු කළ බවද නීතීපතිවරයා විසින් විත්තිකාර තිස්ස අත්තනායක මහතාට  එරෙහිව  ඉදිරිපත්  කර ඇති නඩුවේ සඳහන් කර ඇත.

විත්තිකරුට එරෙහිව ඉදිරිපත් කර ඇති චෝදනා තුන දණ්ඩ නීතී සංග්‍රහය යටතේ සහ සිවිල් හා දේශපාලනඥයින් අතර ජාත්‍යන්තර සම්මුති පනත යටතේ දඬුවම් ලැබිය හැකි වරදවල් සිදුකර ඇති බවද නඩු ගොනුවේ සඳහන් වේ.



අදහස් (3)

තිස්සගේ නඩුව බේරගන්න හේතු කියන්න දින දෙයි

රවින් Friday, 05 April 2019 02:29 AM

බොරුවට, වංචාවට හේතු?

:       0       3

Buddika Friday, 05 April 2019 06:05 AM

මේවා හොඳ පාඩම්.වාසිය වෙනුවෙන් පක්ෂ මාරු කරලා නැති දේවල් කළා කියලා මාධ්‍ය ඉස්සරහට ඇවිත් රඟදැක්වූයේ මහින්ද වෙනුවෙන් මෛත්‍රීට සහ රනිල්ට විරුද්ධව. අන්තිමට මහින්දගේ පරාජය නිසා ලොකුම හානිය කරගත්තේ මෙයානේ... අල්ලපු අත්තයි, පයගහපු අත්තයි දෙකම නැහැ. අන්තිමේ අද මහින්දයි, මෛත්‍රියි දෙන්නම ගජමිත්‍රයෝ... තිස්ස පක්ෂයත් නැතිව අනාථ වෙලා තාමත් උසාවි ගානේ පව් ගෙවනවා.

:       0       0

ajith Saturday, 06 April 2019 05:25 AM

සමාව අරගෙන නඩුව අවසන් කර ගන්න. ඔබ දැන් එක්සත් ජාතික පක්ෂයට අවශ්‍ය පුද්ගලයෙකි. නැවත දිරච්ච ලණු කන්න එපා. අම්මා තාත්තා වගේ වුණු පක්ෂයත් පක්ෂ නායකයින්ටත් විරුද්ධ වෙන්න එපා. පාවා දෙන්න එපා...

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 65 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 274 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 127 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site