(යොහාන් භාසුර)
ශ්රී ලංකා ක්රිකට් ආයතනයේ හිටපු සභාපතිවරයා ලෙස තිලංග සුමතිපාල මහතා ශ්රී ලංකා ක්රිකට් ආයතනයේ විධායක කමිටුව නියෝජනය කිරීමට නුසුදුස්සෙක් වන බැවින් ඒ මහතා ශ්රී ලංකා ක්රිකට් විධායක කමිටුව නියෝජනය කිරීම තහනම් කිරීමට ක්රීඩා අධ්යක්ෂ ජනරාල් ධම්මික මුතුගල මහතාගේ සභාපතිත්වයෙන් යුත් කමිටු තීරණය කර තිබේ.
එම කමිටුවේ නිගමනය පසුගිය 9 වැනිදා ක්රීඩා අමාත්යවරයාට බාරදුන් අතර ක්රීඩා අමාත්යවරයා පෙරේදා (14) ශ්රී ලංකා ක්රිකට් ආයතනයට එය දැනුම්දී තිබේ.
ක්රීඩා අමාත්ය හරීන් ප්රනාන්දු මහතාගේ ඉල්ලීමකට අනුව ක්රීඩා අමාත්යංශයේ ලේකම් චූලාලන්ද පෙරේරා මහතා විසින් ක්රීඩා අධ්යක්ෂ ජනරාල් ධම්මික මුතුගල මහතාගේ සභාපතිත්වයෙන් යුත් මෙම ත්රිපුද්ගල කමිටුව පත් කළේය.
ශ්රී ලංකා ක්රිකට් ආයතනයේ ව්යවස්ථාවට අනුව තිලංග සුමතිපාල මහතා ආසන්තම හිටපු සභාපතිවරයා ලෙස ශ්රී ලංකා ක්රිකට් විධායක කමිටුව නියෝජනය කිරීම නීතිවිරෝධී යැයි ඉදිරිපත්වූ විරෝධතා සැළකිල්ලට ගෙන ක්රීඩා අමාත්ය හරීන් ප්රනාන්දු මහතා සුමතිපාල මහතා විධායක කමිටුව නියෝජනය කිරීම මීට මාසයකට පමණ පෙර තාවකාලිකව තහනම් කළේය.
සුමතිපාල මහතා සම්බන්ධයෙන් ලැබී තිබූ පැමිණිලි සම්බන්ධයෙන් එම කමිටුව කළ පරීක්ෂණයේ දී ශ්රී ලංකාවේ ක්රීඩා නීතියට සහ අන්තර් ජාතික ක්රිකට් සභාවේ නීති රීතිවලට අනුව ඔට්ටු ඇල්ලීමේ ව්යාපාරයට සමීප ඥාතියකු හෝ සම්බන්ධ වී සිටින්නේ නම් එවැනි පුද්ගලයකුට කිසිඳු ජාතික ක්රීඩා සංගමයක තනතුරු දැරිය නොහැකි යන වගන්තිය සුමතිපාල මහතාට හරස් වී තිබේ.
COMMENTS
මෙයා තමයි ක්රිකට් කෙලිය ජරා සුදුවක් කෙරුවේ. තහනම් කරලා මදි. පුළුවන්නම් හිරේ යවන්න.
ක්රිකට් වලට කරපු හානි වෙනුවෙන් මුන්නැහේව හිරේ යවන්න විදිහක් නැද්ද සොයා බලන්න.
මෙයාව නඩු කියල අරන් දාන්නම උනාද? ඕන පොඩි එකෙක් දන්නවා මෙයාගේ නිලතල නීතිවිරෝදී කියලා.
ක්රිකට් නැතුව එතුමා කොහොම ජීවත් වෙන්නද?
එලවලාම දාන්න.
එල්ලන්න වටින්නේ.ක්රිකට් කෑවා.
මෙයා අනිවාර්යයෙන්ම ගෙදරම යැවිය යුතුයි.
හැබැයි ඇයි මේ වෙනකම්ම හිටියේ එලවන්න. මොකද පහුගිය අවුරුදු හතරහමාරේ එලෙව්වේ නැත්තේ.
අපේ ක්රිකට් පහුගිය කලේ මෙච්චර කඩා වැටුනේ දක්ෂයන් නැති නිසා නොව සල්ලි තිබෙන බුකි කාරයෝ එම තරඟ වලට මැදිහත්වීම නිසා බව අවිවාධයෙන්ම පිළිගන්න ඕනේ , නැතිනම් කොහොමද පලවෙනි පෙළ ක්රීඩකයෝ දිගින් දිගටම අසාර්ථක වෙද්දී රැන්කින් වල අංක 8 හිටපු අපේ දෙවෙනි පෙළ කණ්ඩායම රැන්කින් එකේ නොම්මර එකට හිටපු පාකිස්තානේ ඔවුන්ගේ මවු රටේදී 3-0 පරදවල තරගාවලිය ජය ගත්තේ .
තම පවුලේ සාමාජිකයන් මගින් කරන අශ්ව රේස් සහ වෙනත් ක්රීඩා වලට සම්බන්ධ දේවල් වලින් ඩොලර් කෝටි ගණනනින් උපයාගෙන ඒවගෙන් සැහීමකට පත්වෙලා ඉන්නේ නැතුව දුප්පත් අපේ එකම විනෝදාංශය වන ක්රිකට් ක්රීඩාවට ඇඟිලි ගහන්න ආවොත් අපට ප්රබල තීන්දුවක් ගන්න වෙනවා.ලංකාවේ ක්රිකට් ක්රීඩාව වෙනුවෙන් පණ උනත් දෙන්න කැමති ක්රිකට් ලෝලියෝ දහස් ගණනක් අපේ රටේ ඉන්න බව අමතක කරන්න එපා. අපේ ක්රිකට් අපට දීලා ඔබතුමා ගෙදරට වෙලා ඉන්න.
අශ්ව රේස් බුකි වියාපරෙන් සහ දේශපාලනෙන් මුළු රටම කාල ක්රිකට් එක අතුරුපසට වළඳලා , තව මදිවෙලා. අනිවාර්යයෙන් හිරේ යැවිය යුතු පුද්ගලයෙක් ,