ජී.එම්.ඕ.ඒ. නිලවරණය 26 නෑ

(මනෝප්‍රිය ගුණසේකර)

රජයේ වෛද්‍ය නිළධාරීන්ගේ සංගමයේ 2021/2022 වර්ෂය සඳහා ලබන 26 වැනි දා පැවැත්වීමට නියමිතව තිබූ නිලවරණය පැවැත්වීමෙන් වළකින ලෙස දැනුම් දුන් කොළඹ දිසා අධිකරණය වත්මන් විධායක කමිටුවේ කටයුතු පවත්වාගෙන යෑමට බාධා නොකරන ලෙස ද දැනුම් දුන්නේය.

රජයේ වෛද්‍ය නිලධාරීන්ගේ සංගමයේ සහකාර ලේකම්වරුන් පිරිසක් විසින් ඉදිරිපත් කළ පෙත්සමක් සලකා බැලීමෙන් අනතුරුව දිසා විනිසුරුවරයා එලේස නියම කළේය.

මෙම පෙත්සම කැඳවනු ලැබූ අවස්ථාවේදී රජයේ වෛද්‍ය නිලධාරීන්ගේ සංගම වෙනුවෙන් පෙනී සිටි ජනාධිපති නීතිඥවරයා අධිකරණය අමතමින් ලබන 26 වැනි දා නිලවරණය පැවැත්වීමට සුදුසු වාතාවරණයක් ඇද්දැයි තම සේවාදායකයින් සෞඛ්‍ය සේවා අධ්‍යක්ෂ ජනරාල්වරයාගෙන් විමසීමක් කළ විට එදින නිලවරණය පැවැත්වීමට නුසුදුසු බව ඔහු දැනුම් දීම නිසා එදින නිලවරණය නොපැවැත්වෙන බව දැනුම් දුන්නේය

අදහස් (4)

ජී.එම්.ඕ.ඒ. නිලවරණය 26 නෑ

Praba Monday, 21 June 2021 09:55 PM

රනිල්ට වඩා කාලයක් ඔය සභාපතිතුමා ලොකු පුටුව බදාගෙන හිටියා මගෙ හිතේ. එජාපය එකට වෙච්චි දේම තමා GMOA එකටත් වුනේ...

: 3 513

siripala Monday, 21 June 2021 10:23 PM

රජයේ වෛද්‍ය නිලධාරීන්ගේ සංගමය අහෝසි කළ යුතු වෙයි...

: 0 512

SankaTuesday, 22 June 2021 07:24 AM

ඔයාගේ කතාව සහතික ඇත්ත. GMOA එක කොරෝනා සම්බන්ධයෙන් කාලෙකට රජයට බනිනවා. ආයේ වාසිවෙනකොට හොඳ කියනවා. අපි පෙරේදා දැක්කා කොරෝනා කමිටුවේදී ඔය සභාපතිතුමා මාෆියාවක් ගැන කියලා මුළු කමිටුවම හෑල්ලුවට ලක් කළා. පණ්ඩිතකම වැඩි වුණාම උගත්කමත් බල්ලාට යනවානේ. අපිට මතකයි මේ ගොල්ලෝ ඉස්සර වෘත්තිය ක්‍රියාමාර්ග කියලා අසරණ ලෙඩ්ඩු බිල්ලට දීලා රටේ කරපු විනාසේ...

: 0 0

ලුම්බිණි Tuesday, 22 June 2021 05:45 AM

මේක ආත්මාර්ථකාමී අවස්ථාවාදී සංගමයක්...

: 0 0