(බිමල් ශ්‍යාමන් ජයසිංහ)

ඩෙල්ටා වයිරස් ප්‍රභේද ආසාදිතයන් හයදෙනකු හඳුනාගත් කැස්බෑව ජබුරලිය ,ලුල්ලවල පාරේ ඇඟලුම් කර්මාන්ත ශාලාව දින 10ක කාලයක් තාවකාලිකව වසා තබන ලෙස පාලනාධිකාරියට දැනුම් දුන් බව කැස්බෑව සෞඛ්‍ය වෛද්‍ය නිලධාරී වෛද්‍ය සමන්තිකා විජේසුන්දර මහත්මිය පැවසුවාය.

සෞඛ්‍ය සේවා අධ්‍යක්ෂක ජනරාල්වරයා ලබාදුන් උපදෙස් මත එම තීරණය ගත් බවත් ඒ බව ආයතනය වෙත දැනුම් දුන් බවත්  වෛද්‍යවරිය කීවාය.

ඩෙල්ටා වයිරසය ප්‍රභේදය ආසාදිත සේවක සේවිකාවන් 6 හය දෙනාට අමතරව කොරෝනා වයිරසය ආසාදිත සේවක සේවිකාවන් 121 කු එම කර්මාන්ත ශාලාවෙන් මේ වන විට හමු වී ඇතැයි වෛද්‍යවරිය සඳහන් කළාය.

ඒ අනුව එම කර්මාන්තශාලාවේ සේවක සේවිකාවන් සියලුම දෙනා නිරෝධායනයට ලක් කිරීමට කටයුතු කළ බවත් වෛද්‍ය සමන්තිකා ජයසුන්දර මහත්මිය පැවසුවාය.

දින කීපයකට ඉහතදී එම කර්මාන්තශාලාවෙන් ඩෙල්ටා වෛරසය ආසාධිත රෝගියෙකු හමුවීමෙන් අනතුරුව කර්මාන්තශාලාවේ අංශ කිහිපයක් අතුරින් අහඹු ලෙස තෝරාගත් සේවක සේවිකාවන් 166 කු උදෙසා සිදුකළ පි සි ආර් පරීක්ෂණයක් සිදුකළ අතර තවත් විසි දෙදෙනකුගේ නියැදි වැඩිදුර පරීක්ෂණ සඳහා ශ්‍රී ජයවර්ධනපුර විශ්ව විද්‍යාලය වෙත යොමු කෙරිණි .

එමගින් සේවක සේවිකාවන් 109 කුට කොරෝනා වෛරසය ආසාදිත වි ඇති බවත් ශ්‍රී ජයවර්ධනපුර විශ්වවිද්‍යාලය වෙත යවන ලද නියැදි සාම්පල 20 න් 11 දෙනෙකුට කොරෝනා වෛරසය ආසාදිත වි ඇති බවට අනාවරණය විය.