(නිමල කොඩිතුවක්කු)
 
ජනාධිපතිවරණයට අදාළව සිරිකොත එක්සත් ජාතික පක්ෂ මූලස්ථානයේ මැතිවරණ මෙහෙයුම් කාර්යාලයක් ස්ථාපිත කර ඇතැයි එජාප මහලේකම් අධයාපන අමාත්‍ය අකිල විරාජ් කාරියවසම් මහතා පැවැසීය.
 
දිවයිනේ විවිධ ප‍්‍රදේශවල සිදුවන ප‍්‍රචණ්ඩ ක‍්‍රියා, මැතිවරණ නීති උල්ලංඝණය කිරීම්, රජයේ සම්පත් මැතිවරණ කටයුතුවලට යොදා ගැනීම සහ අක‍්‍රමිකතා පිළිබඳ එම  කාර්යාලයට දැනුම් දෙන්නැයි මහලේකම්වරයා ඉල්ලීමක් කරයි.
 
මෙම මෙහෙයුම් කාර්යාලයේ ප‍්‍රධානියා ලෙස රජීව් සෙනෙවිරත්න මහතා පත් කර තිබේ.
 
මෙම කාර්යාලය සම්බන්ධ කර ගැනීම සඳහා දිස්ත‍්‍රික් සහ පළාත් මටට්ටමින්  දුරකථන අංක හඳුන්වා දී ඇත. අතර ඒ අනුව කොළඹ දිස්ත‍්‍රික්කය සඳහා 0113 048 030, ගම්පහ දිස්ත‍්‍රික්කය සඳහා 0113 048 031, කලූතර දිස්ත‍්‍රික්කය සඳහා 0113 048 032, දකුණු පළාත සඳහා 0113 048 033, මධ්‍යම පළාත සඳහා 0113 048 038, වයඹ පළාත සඳහා 0113 048 037, උතුරු මැද පළාත සඳහා 0113 048 036, උතුරු පළාත සඳහා 0113 048 041, නැගෙනහිර පළාත සඳහා 0113 048 042, සබරගමුව පළාත සඳහා 0113 048 043, ඌව පළාත සඳහා 0113 048 044 යන දුරකථන අංක හඳුන්වා දී ඇත.
 
මෙයට අමතරව සිරිකොත පක්ෂ මූලස්ථානයේ 0112 865 374, 0112 865 375, 0112 865 380 යන දුරකථන අංකද, 0112 877 835 සහ 0112 877 836 යන ෆැක්ස් අංක මගින්ද දැනුම් දිය හැකි බවත් එක්සත් ජාතික පක්ෂ මහලේකම්වරයා සඳහන් කළේය.