ජනපතිගේ තීරණයට විරෝධය පා 30 වැනිදා උද්ඝෝෂණයක්

සුජිත් හේවාජුලිගේ

පාර්ලිමේන්තුවේ බහුතරය නැති පුද්ගලයකු අගමැති ධුරයට පත් කිරිමෙන් ජනාධිපතිවරයා ගත් ප්‍රජාතන්ත්‍රවාදී විරෝධී ක්‍රියාදාමයට විරෝධය පළ කරමින් අඟහරුවාදා (30) කොළඹ දී දැවැන්ත උද්ඝෝෂණයක් පවත්වන බව කොළඹ දිස්ත්‍රික් එජාප පාර්ලිමේන්තු මන්ත්‍රී මුජිබර් රහුමාන් මහතා පැවසීය.

ජනාධිපතිවරයාගේ තීරණයට විරෝධය දැක්වීම සඳහා දස දහස් සංඛ්‍යාත පිරිසක් කොළඹට කැදවන බවද මන්ත්‍රීවරයා කීවේය.

ඇතිවු දේශපාලන කුමන්ත්‍රණය පසුව එක්සත් ජාතික පාක්ෂිකයන්ට හිරිහැර කිරිමේ වැඩපිළිවෙළක් ආරම්භ වී ඇති බවත් මේ හිංසා කිරිම් නවත්වන්නැයි ජනාධිපතිවරයාගෙන් ඉල්ලීමක් කරන බවත් මුජිබර් රහුමාන් මහතා සඳහන් කළේය.

නව අගමැතිවරයකු පත් කරන්නේ නම් ඔහු පළමුවෙන්ම පාර්ලිමේන්තුවට බහුතරය පෙන්විය යුතු බවද ඔහු පැවසීය.

අදහස් (13)

ජනපතිගේ තීරණයට විරෝධය පා 30 වැනිදා උද්ඝෝෂණයක්

sandy Sunday, 28 October 2018 07:47 AM

මම ඔබ සමගයි..........

: 63 90

sampath Sunday, 28 October 2018 07:56 AM

2015දී රනිල් වික්‍රමසිංහ අගමැති වුනේ පාර්ලිමේන්තුවේ බහුතරය පෙන්නලද? කන්න ඕනෑ වුණාම කබරගොයත් තලගොයා වෙනවා නේද?

: 31 245

sandySunday, 28 October 2018 02:25 PM

එදා ජනාධිපතිවරණයේදී මෛත්‍රිපාල පැහැදිලි ප්‍රකාශයක් කළා... තමන් ජනාධිපති වුනාම රනිල් වික්‍රමසිංහ මහතා අගමැති කරන බවට. එහෙම නොවුනානම් මෛත්‍රීපාල හීනෙන්වත් ජනාධිපති වෙන්නේ නැහැ. ඒ මදිවට සැවොම දැනන් හිටයා එය වෙන බව. ඒ බව දැන ගෙන තමා ජනතාව ඡන්දය භාවිතා කලේ... පැහැදිලිවම මට කියන්න පුලුවන්ද ඔබ ඡන්දය භාවිතා කලේ කාටද කියලා... ඒ නිසා ඒ තර්කය මෙයට කොහෙත්ම අදාළ වෙන්නේ නැහැ. මෙතන වුණේ පැහැදිලිවම බලලෝභී දේශපාලන වංචාවක්... අවශ්‍ය නම් පාර්ලිමේන්තුව විසුරුවන්න අවශ්‍ය දේවල් දැන් තියාම ක්‍රියා කරන්න තිබුණා. එතකොට හැමෝම දන්නවා සහ ජනතාවගේ පූර්ණ ආශිර්වාදය ගන්න තිබුණා.

: 1 2

charith Sunday, 28 October 2018 08:21 AM

2015 බලෙන් වගේ අත්සන ගහගෙන අගමැතිකම උදුරා ගනිද්දී ඔය කියන ව්‍යවස්ථාව මතක් උනේ නැද්ද, එක්කෝ එක කියවල තිබ්බේ නැද්ද දන්නේ නෑ මෙයාලා. ඔක්කොමල තමන්ගේ ඇමතිකම් නැති වෙයි කියල බයවෙලා මාරු විකලෙන් දඟලනවා. පුදුම උනන්දුවක් තියෙන්නේ අපිට සේවය කරන්න.

: 1085 1069

Darshana Sunday, 28 October 2018 08:46 AM

විකාරයෙන් දොඩවනවා.....

: 12 98

රජින්ද Sunday, 28 October 2018 09:13 AM

මුළු ලේක්හවුස් එකම දන්නවා මංගලගේ ගෝලබාලයෝ ඒකට රින්ගෙව්වේ කොහොමද කියන එක... පහුගිය කාලේ රජයේ ආයතනවලට තම තමන්ගේ හෙන්චයියන්ව රිංගවීම කලේ අසාමාන්‍ය වේගයකින්, එතැනදී අනික් මිනිස්සුන්ට සිදු වෙච්චි අසාධාරණකම් ගැන මේ ගොල්ලන්ට මතක නැහැ.

: 0 113

Bamunuarachchi Sunday, 28 October 2018 09:20 AM

නිකාන් සවුත්තු වෙන්න හදනවා වගේ... අතපය කඩා ගන්නේ නැතිව ගෙදරට වෙලා ඉන්න....

: 156 341

Gamage Sunday, 28 October 2018 09:41 AM

බත් පැකටි එකට අරක්කු බෝතලේට රැ 1000/= සෙටි වෙන අයනමි ඕවාට එයි....

: 128 47

sanday Sunday, 28 October 2018 09:54 AM

අපේ ගානේ නරක් නොවූ කිරි පැකට්...

: 0 60

Ramani Perera Sunday, 28 October 2018 10:01 AM

අපි කවුරුත් මේවාට ගහ මරාගෙන මොකටද? විලිලැජ්ජාවක් නැති කෙනෙක් ඉන්න කොට...

: 0 1

dhanush Sunday, 28 October 2018 10:38 AM

2015දී රනිල්ට බහුතරයක් නොතිබුණා නම් අගමැතිකම කරගෙන යන්න ඉඩදෙයිද? රනිල්ට එදා බහුතරය ලැබුණේ ජනාධිපති මෛත්‍රි මහතාට කැමති කොටසක් ශ්‍රී.ලං.නි.පක්ෂයේ සිටි නිසා එදා රනිල්ට ජනාධිපතිතුමත් කැමතියි.. එතුමාට කැමති අනික් අයත් සහය දුන්නා. රනිල්ට බැරිවුණා එය දිගටම පවත්වාගෙන යන්න.

: 92 43

සනත් Sunday, 28 October 2018 10:52 AM

මේ වෙනස රටටම ඕනෑ වෙලා තිබුනේ.. ඔහේලට තියෙන්නේ නව නායකයෙක් පත්කර ගන්න එකතු වෙලා සාකච්ඡා කිරීමයි. මිනිස්සුන්ව පාරෙ රස්තියාදුවේ යවලා ඔයාලගේ පට්ටම් රැකදෙන්න කියලා කාටද කියන්නේ? ජනතාවගේ කාලය කන්න එපා.

: 0 35

chinthaka Dubai Sunday, 28 October 2018 11:17 AM

පාරට බහින්නකෝ.., ඔයා දුන්න විස කිරි පැකට් ටිකත් අරන් එන්න

: 10 0