(නිමල කොඩිතුවක්කු)

ජනතා ප්‍රශ්නවලට විසඳුම් ලබාදිය හැක්කේ වෛරයෙන්, ක්‍රෝධයෙන් හෝ වියුරුවෙන්  නොව සාකච්ඡාව, අහුම්කන් දීම ප්‍රජාතන්ත්‍රවාදය වැනි මානුෂීය යහගුණ ධර්ම තුළින් බව විපක්ෂ නායක සජිත් ප්‍රේමදාස මහතා පැවසීය.

වත්මන් ආණ්ඩුවේ ක්‍රියා පිළිවෙත පිළිබඳව මේ වන විට 69 ලක්ෂය ඇතුළු මුළු රටම කලකිරීමට පත්ව ඇතැයි ද විපක්ෂ නායකවරයා සඳහන් කළේය.

තිස්සමහාරාම සම සංවිධායක ටී.වී.කේ ගාමිණි මහතාගේ පක්ෂ කාර්යාලය විවෘත කිරීමේ උත්සවයටඑක්වෙමින් ඔහු මේ බව පැවසීය.

වියරුව සහ කෲරත්වය විසින් රටක් තිබෙන තැනින් අඟලක් හෝ පෙරට ගෙන යාමට නොහැකි බවත් අද රටට අවශ්‍ය වන්නේ ජනතා කේන්ද්‍රීය ජාතික න්‍යාය පත්‍රයක් බවත් හෙතෙම සඳහන් කළේය.

ජන ජීවිත සුරක්ෂිත කරමින් මානව සම්පත වර්ධනය කිරීම සහ ඔවුන්ගේ ජන ජීවිත ගොඩ නැංවීම තුළින් අපේ රට පෙරට ගෙන යා හැකි බවද ඔහු පැවසීය.