IMG-LOGO

2025 නොවැම්බර් මස 05 වන බදාදා


ජාත්‍යන්තර ජීව විද්‍යා ඔලිම්පියාඩ් තරඟාවලියෙන් ශ්‍රී ලංකාවට ලෝකඩ පදක්කමක්

(ඩයනා උදයංගනී)

පෘතුගාලයේ පැවති 32 වන ජාත්‍යන්තර ජීව විද්‍යා ඔලිම්පියාඩ් තරඟාවලියෙන් ශ්‍රී ලංකාව ලෝකඩ පදක්කමක් හිමිවිය.

එම පදක්කම දිනාගනු ලැබුවේ කෑගල්ල ශාන්ත ජෝශප් බාලිකා විද්‍යාලයේ අධ්‍යාපනය ලබන සුමදු සේනාධීර ශිෂ්‍යාව විසිනි.

32 වන ජාත්‍යන්තර ජීව විද්‍යා ඔලිම්පියාඩ් තරඟාවලිය කොවිඩ් 19 වසංගත තත්වය හේතුවෙන් 2021 ජූලි 18 සිට 23 දක්වා කාලයේදී පෘතුගාලයේ සිට මාර්ගගත විභාගයක් ලෙස පැවැති අතර එයට රටවල් 70ක සිසුහු සහභාගී වූහ.

ශ්‍රී ලංකාව නියෝජනය කරමින් එයට සහභාගී වූ තරඟකරුවන් සඳහා න්‍යායාත්මක හා ප්‍රායෝගික විභාග ශ්‍රී ජයවර්ධනපුර විශ්ව විද්‍යාලයේ දී 2021 ජූලි 19 සහ 21 දිනවල පැවැත්විණි.

ශ්‍රී ලංකාව නියෝජනය කරමින් මෙවර මෙම තරඟය සඳහා කෑගල්ල, ශාන්ත ජෝශප් බාලිකා විද්‍යාලයේ සුමදු සේනාධීර, ගාල්ල සංඝමිත්තා බාලිකා විද්‍යාලයේ මෙත්මා විජේසිංහ, කොළඹ ආනන්ද විද්‍යාලයේ පමෝද පෙරේරා, (මහනුවර) පුෂ්පාදාන බාලිකා විද්‍යාලය රුචිනි නිවර්තනා යන ශිෂ්‍ය ශිෂ්‍යාවන් සුදුසුකම් ලැබ තිබිණි.

පසුගිය වසරේ සැප්තැම්බරයේ උසස් පෙළ විභාගයට ජීව විද්‍යා අංශයෙන් පෙනී සිටි සිසු සිසුවියන් අතර පැවැත්වූ විභාගයකින් මෙම සිවුදෙනා තෝරාගත් බව ශ්‍රී ලංකාවේ ජීව විද්‍යා ආයතනය පවසයි.

මෙම තරඟයේ ජූරි සභිකයින් ලෙස ශ්‍රී ජයවර්ධනපුර විශ්ව විද්‍යාලයේ මහාචාර්ය හිරාන් අමරසේකර, මහාචාර්ය නිශංක ද සිල්වා සහ මහාචාර්ය එම්. ජේ. එස්. විජයරත්න යන මහත්වරු කටයුතු කළහ. තරඟය සඳහා සිසුන් පුහුණු කර ඇත්තේ ශ්‍රී ජයවර්ධනපුර, කොළඹ සහ කැලණියා විශ්ව විද්‍යාලයේ මහාචාර්යවරු මෙම තරගය සඳහා සිසුන් පුහුණු කළහ.

රටවල් 70 ක සිසුහු මෙම තරඟයට සහභාගී වූහ.



අදහස් (4)

ජාත්‍යන්තර ජීව විද්‍යා ඔලිම්පියාඩ් තරඟාවලියෙන් ශ්‍රී ලංකාවට ලෝකඩ පදක්කමක්

Ruhunu Friday, 30 July 2021 02:45 PM

අපි ඔබට සුබ පතනවා. තව ඉදිරියට යන්න ශක්තිය ලැබේවා.

:       0       36

Raveendra Friday, 30 July 2021 04:12 PM

දුවේ ඔබට අපගේ උණුසුම් සුබ පැතුම්...!!! 

:       0       9

විජිත් Friday, 30 July 2021 04:30 PM

හරිම සතුටුයි. මගෙනුත් උණුසුම් සුබ පැතුම්...!!!

:       0       11

Karl Friday, 30 July 2021 07:02 PM

සුභාශිංශන...!

:       0       1

ඔබේ අදහස් එවන්න

 

 
 

මේවාටත් කැමතිවනු ඇති

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 10 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි 2025 ඔක්තෝබර් මස 08 1997 0
ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ 2025 ඔක්තෝබර් මස 01 1553 0
මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට

Our Group Site