IMG-LOGO

2025 ජුලි මස 15 වන අඟහරුවාදා


ඝාතන චෝදනාවට වරදකරුවන් වූ 9 කට මරණ දඩුවම

(ඔගස්ටින් ප්‍රනාන්දු)       

පුද්ගල ඝාතන චෝදනාවට වරදකරුවන් වූ එකම පවුලේ අයියා මලෝ ඇතුළු නව දෙනෙකුට හලාවත මහාධිකරණ විනිසුරු ඉවෝන් ප්‍රනාන්දු මෙනෙවිය අද (8) මරණීය දණ්ඩනය නියම කරණු ලැබුවාය.

මාරාවිල මුදුකටුව ලංසිගම ප්‍රදේශයේ පදිංචි වර්ණකුලසූරිය නිමල් අජිත් ප්‍රනාන්දු සහ වර්ණකුලසූරිය සුගත් ජෙරාඩ් ප්‍රනාන්දු යන අයියා මලෝ දෙදෙනාට සහ පැට්රික් ඔස්වල්ඩ් ප්‍රනාන්දු ,පිලිප්පුගේ සනත් ප්‍රසන්න ප්‍රනාන්දු,   ලියනගේ චමින්ද ඩික්සන්,කොන්රඩ් රනිල් පිරිස්, සේමිණි විජේන්ද්‍ර ප්‍රනාන්දු, ඩොනල්ඩ් සමන්ත ප්‍රනාන්දු, සහ අජිත් ඇන්ටන් යන පිරිසට මෙසේ මරණීය දණ්ඩනය නියම විය.

2001 වසරේ ජුනි මස 24 වන දින හෝ ඊට ආසන්න දිනයක දී හලාවත මාරාවිල ලංසිගම දී  වර්ණකුලසුරිය මහලේකම්ගේ ලයනල් ප්‍රනාන්දු නමැති අයගේ මරණය සිදු කිරීමේ චෝදනාව මත මෙම නඩුව පවරා තිබුණි.

කඩුවලින් හා පිහි වලින් කපා මනුෂ්‍ය ඝාතනයක් සිදු කිරීම , අයුතු නීති විරෝධි ජනරාශිය යන චෝදනා  විත්තිකරුවන්ට එරෙහිව නගා තිබුණි.

දින ගණනාවක් පැවැති නඩු විභාගයෙන් පසු සාක්කි අනුව විත්තිකරුවන් වරදකරුවන් වී ඇති බව ඔප්පු වූ නිසා ඔවුන් වරදකරුවන් කරමින් විනිසුරුවරිය ඔවුන්ට මරණ දඩුවම නියම ක‍ළාය.

එක් පුද්ගලයෙකුගේ මරණය සිදු කිරීමේ චෝදනාවට වරදකරුවන් වීම නිසා නව දෙනෙකුට හලාවත මහාධිකරණයේ දී මරණීය දඩුවම පැනවූ ප්‍රථම අවස්ථාව මේ බව පැවැසේ.

මෙම නඩු විභාගය ආරම්භයේ දී විත්තිකරුවන් දස දෙනෙකු සිටි අතර ඉන් එක් අයෙකු නඩු විභාගය සිදුවන අතරතුර මිය ගොස් ඇති බවත් මෙහිදි අනාවරණය විය.



අදහස් (0)

ඝාතන චෝදනාවට වරදකරුවන් වූ 9 කට මරණ දඩුවම

ඔබේ අදහස් එවන්න

 

 
 

මේවාටත් කැමතිවනු ඇති

පාසල් දරුවන්ට හිස්වැසුම් බෙදා දීම 2025 ජුලි මස 14 129 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 76 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 449 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

Our Group Site