‘ගෑස් සමාගම් පාරිභෝගිකයා නොමග යවනවා‘

(අජන්ත කුමාර අගලකඩ)

ලීටර් 18 නව ගෑස් සිලින්ඩරයක් හඳුන්වාදීමෙන් ,ගෑස් සමාගම් පාරිභෝගිකයා නොමග යැවීමක් කර ඇතැයි වෙළෙඳ ඇමැති ආචාර්ය බන්දුල ගුණවර්ධන මහතා කැබිනට් මණ්ඩලයට දැනුම්දී ඇත.

මේ අතර කිලෝ ග්‍රෑම් 12.5 ගෘහස්ථ එල්පී ගෑස් සිලින්ඩර පාරිභෝගිකයාට මිලදී ගැනීමට වෙළඳ පොළේ නැති බවද ඇමතිවරයා කැබිනට් මණ්ඩලයට දන්වා ඇත.

කිලෝ ග්‍රෑම් 12.5 ක ගෘහස්ථ ගෑස් සිලින්ඩරයක් වෙළෙඳ පොළේ අලෙවි කරන මිලට වඩා රුපියල් සීයක් අඩු වෙන් නව ගෑස් සිලින්ඩරයක් වෙළඳපොලේ අලෙවි කිරීමෙන් පාරිභෝගිකයාට අසාධාරණයක් වන බැවින් ,එහි මිල රුපියල් එක්දහස් එකසිය පනහක් ලෙස නියම කරන්නැයි ඇමතිවරයා කැබිනට් මණ්ඩලයෙන් ඉල්ලීමක් කර ඇත .

වෙළඳ පොළට අලුතින් හදුන්වා දෙනු ලැබූ ලීටර 18 ගෘහස්ථ ගෑස් ගෑස් සිලින්ඩරයක ඇත්තේ ගෑස් කිලෝ 9.5 ක් බැවින් ,එහි බර කිලෝ ග්‍රෑම්වලින් සඳහන් කරන්නැයි ද ඇමතිවරයා යෝජනා කර ඇත.

ඇමතිවරයා මිට අදාළ කැබිනට් සංදේශයක් ද අමාත්‍ය මණ්ඩලයට යොමු කර ඇති අතර, එය සාකච්ඡාවට ගැනීම සතියකින් පමණ කල් ගොස් ඇතැයි වාර්තා වේ .

අදහස් (14)

‘ගෑස් සමාගම් පාරිභෝගිකයා නොමග යවනවා‘

සඳුන් Saturday, 17 July 2021 11:53 AM

බන්දුල සර් .... ගෑස් ආනයනය තහනම් කරන්න ලොකු සර්ට අදහසක් දෙන්න. අපි දර වලින් උයමු. සර්ලා කොච්චර කිව්වත් අහන් නැති සර්ලගේ යාලු ගෑස් කොම්පැණි වලට පාඩමක් උගන්වන්න දියවන්නාවේ කුස්සියෙන්ම පටන් ගමු...

: 0 88

ලලිත් එම් Saturday, 17 July 2021 12:18 PM

රාජ්‍ය සමාගමක් රජයට එරෙහි ක්‍රියාවක් ලෙස මොනවා හරි කරනවා නම් ඒක නවතා දැමීමට ඇති හැකියාව අදාල බලධාරීන්ට නැතිද? නිකම් මහජනයාට විහිලුවක් කරලා ගසාකමින් මොකක්ද මේ වගේ නීච වැඩ වලින් බලාපොරොත්තු වෙන්නේ...?

: 0 59

සමරේSunday, 18 July 2021 05:58 AM

ජනාධිපතිතුමා පත්කරපු සභාපතිලා නිසා ඒ සමහරු ඇමතිලාටත් ඉහළයි. කොහොමටත් ශලිල මුණසිංහ ඉඳලා ඔය ලිට්රෝ සභාපති කට්ටිය අමුතුම කොටසක්...

: 0 2

මුණසිංහ Saturday, 17 July 2021 01:47 PM

ඔබතුමා නම් හරි මග ගිහිල්ලා... මහජනතාව තමයි මෝඩයන්...!!!

: 0 130

සමිත සේනක අලුත්ගමගේ. Saturday, 17 July 2021 02:36 PM

"ගෑස් සමාගම් පාරිභෝගිකයා නොමඟ යවනවා." රටක වෙළෙඳ ඇමැති කියයි. එසේ නම්, ඇමතියෙකු ඉන්නේ කුමකටද?

: 0 175

Sunil Saturday, 17 July 2021 04:11 PM

මේ සම්බන්ධ ඇමැතිලා දෙන්නම පඹයින් නැතිනම් රූකඩද?

: 0 36

Sri Lanka Saturday, 17 July 2021 04:17 PM

අපිට දුක අපි පත්කර ගත්තු බුද්ධිමත් ආණ්ඩුව ගොනාට අන්දලා කිලෝලීටර වලට හරවලා ගොනාට අන්දපු එක ගැන. වැඩිපුර ආණ්ඩුවේ ඉන්නේ මහාචාර්යවරු..

: 0 45

ගමේ එකාලා Saturday, 17 July 2021 05:55 PM

ආර්ථික ඔස්තාර් වෙච්චි කෙනත් බොරු පොරොන්දු දීලා, බේගල් ගහලා මුලු මහත් ජනතාවම නොමග යැව්වේ නැද්ද?

: 0 58

sunanada Saturday, 17 July 2021 07:10 PM

අනේ මන්දා...! මේ මහත්තයා ළඟකදී ඉඳලා අමුතු දේවල් කියවනවා.

: 0 19

සිරී Saturday, 17 July 2021 07:18 PM

හරි අපි මොකක් හරි කරන්න බලන්නම්...!!!

: 0 18

Nihal Saturday, 17 July 2021 08:56 PM

එහෙනම් අපි ඒවා ගෑස් ආයතන එක්ක විසඳාගන්නම්. ඔයා පට්ටම තියලා ගෙදර යන්න.

: 0 0

chathuri Sunday, 18 July 2021 04:14 AM

ඊටත් වඩා "බුල්ඩෝග්" බල්ලන් මිනිසුන්ව නොමග යවනවා.

: 0 27

නිකපිටිය Sunday, 18 July 2021 06:28 AM

ඇමැතිතුමා කියව කියවා ඉන්නේ නැතිව පාරිභෝගිකයින් බේරාගත යුතුයි. මේ ගසාකෑම මාස ගණනක් දිගටම කෙරෙනවා..

: 0 23

chaminda Sunday, 18 July 2021 10:38 AM

ඔබතුමා හැම තිස්සෙම අපිව නොමග යවනවා. අපිට ඕවා හොඳට හුරුයි. දැන් ඉතුරු ටිකත් ඔහොම යමු..

: 0 0