(ජේ.කේ.එල් චාමින්ද)
 
එංගලන්ත  ක්‍රිකට් කණ්ඩායම ලැගුම් ගෙන සිටින, ගාල්ලේ පිහිටි තරුපන්තියේ හෝටලයක  මුළුතැන්ගෙයි සිටින ආසාදිත අරක්කැමියන් දෙදෙනාගේ ආශ්‍රිතයින් සොයමින් පවතින බව ගාල්ල දිස්ත්‍රික් ප්‍රාදේශිය වසංගත රෝග විද්‍යාඥ වෛද්‍ය වෙනුර කේ. සිංගාරච්චි මහතා සඳහන් කළේය.
 
හෝටලයේ  මුළුතැන්ගෙයි සේවය කරණ අරක්කැමියන් දෙදෙනාට කොරෝනා වයිරසය ආසාදනය වී ඇති බවට අද (15) උදෑසන තහවුරුවිය.
 
මෙම සිද්ධිය සම්බන්ධව වාර්තාවක් තමන්ට ලබාදෙන ලෙස එම ප්‍රදේශයේ මහජන සෞඛ්‍ය පරීක්ෂකවරයාට දැනුම් දුන් බව ද වෛද්‍යවරයා පැවසීය.
 
ආසාදිත අරක්කැමියන් දෙදෙනා  කොරෝනා වෛද්‍ය ප්‍රතිකාර මධ්‍යස්ථනයක් සදහා යොමුකිරීමට කටයුතු කරණ බවද ඒ මහතා පවසයි.