(උපාලි ආනන්ද සහ සජීවා කෝට්ටගොඩ)

අඔන්පොල දකුණ ග‍්‍රාම නිලධාරිවරයාට අමානුෂික ලෙස පහරදී  තියුනු ආයුධවලින් පහරදී කපා කොටා ඝාතනය කිරීමේ සිද්ධිය සම්බන්ධයෙන් අත් අඩංගුවට ගත් එහි ප‍්‍රධාන සැකකරු මෙම 18 වන දින දක්වා රිමාන්ඞ් බාරයේ තබන ලෙස මහව අතිරේක දිසා විනිසුරු සහ අතිරේක මහේස්ත‍්‍රාත් නුතිනන් සිරිවර්ධන මහතා නියෝග අද නියෝග කළේය.

මෙසේ රිමාන්ඩ් බාරයට පත් කලේ හික්කඩුව තිරන්නගම  පදිංචිකරුවකු වන ජේ කේ ටෙක්සි ඩෙනිස් නැමැත්තෙකි.

සැකකරු එදිනට හදුනා ගැනීෙමි පෙරෙට්ටුවක් සදහා ඉදිරිපත් කරන ලෙසට ද බන්ධනාගාර නිලධාරීන්ට තවදුරටත් නියෝග කළ අතිරේක මහේස්ත‍්‍රාත් නුතිනන් සිරිවර්ධන මහතා මෙම ඝාතනය සම්බන්ධයෙන් සිදු කෙරෙන විමර්ශන වල ප‍්‍රගතිය දැක්වෙන වාර්තාවක් අධිකරණය හමුවට ඉදිරිපත් කරන ලෙස අඔන්පොල පොලිසියේ ස්ථානාධිපති ප‍්‍රධාන පොලිස් පරික්ෂක සමන් පෙරේරා මහතාට නියෝග කළේය.

මෙම අපරාධයට සම්බන්ධ තවත් සැකකරුවන් කිහිප දෙනකු අත් අඩංගුවට ගැනීමට සිටින බවත් මෙම සැකකරුගේ වැඩිමහල් සහෝදරයකු බව කියන සදුන් නමින් හදුන්වන පුද්ගලයකු සිටින බවද පොලිසිය අධිකරණයට දැනුම් දුන්නේය.

ග‍්‍රාම නිලධාරිවරයා මිය යන තුරුම තියුණු ආයුධයකින් පහරදී කපා කොටා ඝාතනය කර ඇත්තේ මෙම සැකකරු බවට දැනට සිදු කෙරෙන විමර්ශනවලදී අනාවරණ වූ බව පොලිසිය අධිකරණය හමුවේ කියා සිටියේය.

ග‍්‍රාම නිලධාරි කපිල ප‍්‍රියන්ත සපුකුමාර මහතා ඝාතන කොන්ත‍්‍රාත්තුව  දුන් බවට සැකපිට අත් අඩංගුවට ගෙන මීට පෙර අධිකරණය හමුවට ඉදිරිපත් කළ ගල්ගමුව දුම්රිය ස්ථානයේ සේවය කරන පුහුණු දුම්රිය ස්ථානාධිපතිවරයකු වන චානක තිලාන් කුමාර නැමැත්තාද මෙම මස 18 වන දින දක්වා රිමාන්ඩ් බාරයට පත් කර සිටී