(රංජිත් රාජපක්ෂ)                       

මධ්‍යම කඳුකරයේ බටහිර බෑවුම් ප්‍රදේශවලට පසුගිය දින කිහිපය තුළ ඇදහැලුණු අධික වර්ෂාවත් සමඟ ගිනිගත්හේන නාවලපිටිය ප්‍රධාන මාර්ගයේ කොටසක් ආරක්ෂිත පැති බැම්මක් සමඟ නාය ගොස් තිබේ.

ගිනිගත්හේන නාවලපිටිය ප්‍රධාන මාර්ගයේ අඹගමුව ප්‍රදේශයෙන් ප්‍රධාන මාර්ගයේ කොටසක් නායයාමට ලක් වී ඇත.

තවදුරටත් එම ස්ථානයේ නායයාමේ අවදානමක් පවතින හේතුවෙන් නායගිය ස්ථානයේ රථ වාහන ගමනාගමනය එක් මංතීරුවකට සීමාකර තිබේ.

එම මාර්ගයේ රථවාහන ධාවනය කිරිමේ දී සැළකිලිමත් ලෙස රිය ධාවනය කරවන ලෙස ගිනිගත්හේන පොලිසිය රියදුරන්ගෙන් ඉල්ලා සිටී.