(බිමල් ශ්‍යාමන් ජයසිංහ)
 
මාවනැල්ල රඹුක්කන මාර්ගයේදී  කසළ තේ තොගයක් ලොරි තුනකින් ප්‍රවාහනය කරමින් සිටි පුද්ගලයන් තිදෙනෙකු අද(04) අත්අඩංගුවට ගත් බව පොලිස් විශේෂ කාර්ය බලකයා කියයි.
 
කසළ තේ කිලෝ  18,725ක් එම ලොරි රථ තුනෙහි තිබී පොලිසිය අත්අඩංගුවට ගෙන තිබිණි.
 
අත්අඩංගුවට ගත් පුද්ගලයන් වයස අවුරුදු 37, 39 සහ 46 වියේ පසුවන බවත්, ඔවුන් වෙලම්බඩ, ලීමගහකොටුව සහ හත්දෙස්ස යන ප්‍රදේශවල පදිංචිකරුවන් බවත් පොලිසිය කියයි.
 
විදේශ රටකට අපනයනය කිරීම සඳහා ලොරි තුනකින් කසළ තේ තොගය පෑලියගොඩට ප්‍රවාහනය කරන බවට පොලිස් විශේෂ කාර්ය බලකා කඳවුරට ලද තොරතුරකට අනුව මෙම වැටලීම කර තිබේ.