(පුෂ්පකුමාර මල්ලවආරච්චි)

බාදුරාගොඩ ප්‍රදේශයේ එකම ස්ථානයකින් කසිප්පු පානය කළ පුද්ගලයන් දස දෙනෙකුට වැඩි පිරිසක් අද (02) පස්වරුවේ රෝහල් ගත කර ඇති අතර එම ස්ථානයෙන්ම කසිප්පු පානය කළ බව කියන 52 හැවිරිදි පුද්ගලයකුගේ මළ සිරුරක් වත්තේමුල්ල ප්‍රදේශයේ වත්තක තිබී සොයා ගත් බව පොලිසිය පැවැසීය.

කසිප්පු පානය කිරීමෙන් පසු එම පුද්ගලයන්ට වමනය සහ පාචනය යන රෝග ලක්ෂණ මතුවී ඇති බවත් ඉන් පසුව ඔවුන් රෝහල් ගත කළ බවත් පොලිසිය පැවැසීය.

රෝගී වූ  තිදෙනෙකු දිවුලපිටිය රෝහලට ඇතුළත් කිරීමෙන් පසු වැඩිදුර ප්‍රතිකාර සඳහා ගම්පහ මූලික රෝහලට මාරු කර යැවූ අතර සෙසු පිරිස මීරිගම මූලික රෝහලේ ප්‍රතිකාර ලබන බව පොලිසිය සඳහන් කළේය.