(යොහාන් භාසුර)

වරායේ සිරවී තිබෙන කිරිපිටි කිලෝ 360,000 ට අදාල ලිපිගොනු මහ බැංකුව අද දිනයේ වාණිජ බැංකුවලින් ලබාගෙන ඇති බවත් ඒ අනුව කිරිපිටි තොගය ලබන අඟහරුවාදා වන විට නිදහස්කරගැනීමට හැකිවේ යැයි බලාපොරොත්තු වන බවත් කිරිපිටි ආනයනකරුවන්ගේ ප්‍රකාශක ලක්‍ෂ්මන් වීරසූරිය මහතා අද (1) පස්වරුවේ පැවසීය.

මහ බැංකුව විසින් වාණිජ බැංකුවලින් කිරිපිටිවලට අදාල ගෙවියයුතු ඩොලර් සංඛ්‍යාව සහ සෙසු විස්තර ඇතුළත් ලියකියවිලි ලබාදෙන ලෙස කළ ඉල්ලීමට අනුව එම බැංකු අද විස්තර ලබාදී ඇති බවත් ඒ අනුව ලබන අඟහරුවාදා වන විට කිරිපිටි තොගය නිහස්කරගැනීමට හැකිවේ යැයි විශ්වාස කරන බවත් ලක්‍ෂ්මන් වීරසූරිය මහතා වැඩි දුරටත් කීය.

ඩොලර් හිඟය හේතුවෙන් කිරිපිටි කන්ටේනර් 16 ක් මාස තුනක පමණ කාලයක් වරාය සිරවී තිබෙන අතර ඒ හේතුවෙන් මේ වන විට වෙළෙඳපොල තුළ කිරිපිටි නොමැති තත්වයකට පත්ව තිබේ.