(අංජුල මහික වීරරත්න)

කොරෝනා වසංගතයට මුවාවී ආණ්ඩුව ජනතාවගේ මූලික අයිතිවාසිකම් උල්ලංඝනය කරමින් කටයුතු කරන ක්‍රියාවලිය එක්සත් ජාතික පක්ෂය මෙන්ම සමස්ත ලෝකයම පිළිකුලෙන් යුතුව හෙළා දකින බව එක්සත් ජාතික පක්ෂ සභාපති වජිර අබේවර්ධන මහතා  පැවසීය.

රටේ පරිපාලන හා රාජ්‍ය යාන්ත්‍රණ නීති පද්ධති හා ආණ්ඩුක්‍රම ව්‍යවස්ථාව උල්ලංඝනය කරමින් කොරෝනා පැතිරවීමට කටයුතු කිරීම නිසා ඉදිරි මාස කිහිපයේ දී රට බරපතල ඛේදවාචකයට තල්ලු විය හැකි බවද අබෙිවර්ධන මහතා කීය.

"කිසිම චක්‍රලේඛයක් මූලික අයිතිවාසිකම් උල්ලංඝනය වන ආකාරයට නිකුත් කරන්න බැහැ. ඕනෑම චක්‍ර ලේඛණයක් නිකුත් කිරීමේදී නිසි ක්‍රියාමාර්ගය නම් එය නීතිපති දෙපාර්තමේන්තුවට හෝ රාජ්‍ය පරිපාලන අමාත්‍යාංශයේ අධ්‍යක්ෂ ජෙනරාල්වරයාට යවා අනුමත කරගෙන, නීතීපති උපදෙස් ලබාගෙන මූලික අයිතිවාසිකම්වලට හරස් නොවන ලෙස  චක්‍ර ලේඛණ නිකුත් කිරීමයි. හිතුමතේට කාටවත් නිකුත් චක්‍රලේඛ කරන්න බැහැ"යනුවෙන්ද වජිර අබේවර්ධන මහතා කීය.