(හිරාන් ප්‍රියංකර ජයසිංහ)
 
ආණමඩුව කොට්ටුකච්චිය නවෝද්‍යා විද්‍යාලයේ විදුහල්පතිවරයා, ගුරුවරියන් තිදෙනෙකු ඇතුළු දරුවන් 81 දෙනෙකු සෞඛ්‍ය අංශ ලබා දුන් උපදෙස් මත ස්වයං නිරෝධායනයට යොමු වු බව විදුහල්පති ඒ.එච්.එම් ප්‍රියන්ත සමන්කුමාර මහතා පවසයි.

පුත්තලම රාජ්‍ය බැංකුවක කළමණාකරුවකු කොවිඩ් ආසාදිතයකු බවට හඳුනාගැනීමෙන් පසු , එම  බැංකු කළමනාකරු ඔහුගේ කාර්ය මණ්ඩලයේ කිප දෙනෙකු සමග  පසුගිය සදුදා ( 25 )  පාසලට පැමිණ දරුවන්ට ඉතිරි කිරිම් සදහා කැට ලබා දි ගිණුම් ආරම්භ කිරිම මෙම නිරෝධායනයට හේතුව බව  විදුහල්පතිවරයා පැවසීය.

මෙසේ නිරෝධායනයට යොමුව ඇත්තේ  කොට්ටුකච්චිය නවෝද්‍යා විද්‍යාලයේ විදුහල්පතිවරයා සමග දෙවන ශ්‍රේණියට අයත් ඒ,බි,සි පංති වල අධ්‍යාපන කටයුතු වල නිරත වු ගුරු මහත්මින් සමග එම පංති වල සිසු සිසුවියන් 81 දෙනෙකි.

මෙම  බැංකු නිළධාරින් පැය කිපයක් පාසල තුළ ගත කරමින් සිසුන්ට කැට බෙදා දිම් කර ඇති බවද කියයි.

මෙම  බැංකු කළමණාකාරවරයා කොවිඩ් ආසාධිතයකු බවට  ඉකුත්  27 දින සනාථ වි ඇති බව කියයි.

මෙම බැංකු කළමණාකරු ඔහුගේ බැංකු ප්‍රධාන කාර්යාලයේ විශේෂ හමුවක් වෙන්නප්පුව නගරයේ පවත්වා ඇති බවත් එයට සහභාගි වු ප්‍රධාන කාර්යාලයේ නිළධාරියකු කොවිඩ් ආසාදිතයකු බවට වාර්තා විමත් සමග මෙම බැංකු කළමණාකරු සහ අනිකුත්  කළමණාකරුවන් ජෛව පටල පරික්ෂණයකට යොමු කර තිබු බවයි .