උපනන්ද විදුහලේ වෙඩිතැබීම ගැන යුද හමුදාවෙන් පරීක්ෂණයක්

(ඉන්දිකා රාමනායක)

ගාල්ල මානවිල උපනන්ද ජාතික පාසලට බලෙන් ඇතුළුවීමට යාමේදී එහි රාජාකාරියේ නිරතව සිටි හමුදා සෙබළකු කළ වෙඩි තැබීමකින් පුද්ගලයකු මියයාමේ සිද්ධිය සම්බන්ධයෙන් යුද හමුදා පොලිසිය මූලික පරීක්ෂණයක් ආරම්භ කර ඇතැයි යුද හමුදාව කියයි.

යුද හමුදාපතිවරයාගේ නියමයෙන් මෙම පරීක්ෂණ ආරම්භ කළ බවද හමුදාව පවසයි.

යුද හමුදා පොලිසියේ සාමාජියකු පෙරේදා දිනයේම සිද්ධිය වූ ස්ථානයට ගොස් පරීක්ෂණ ආරම්භ කළ බව හමුදාව සඳහන් කරයි.

යුද හමුදා පොලිසිය මේ වනවිට වෙඩි තැබූ හමුදා සෙබළාගෙන් හා සිද්ධිය වූ අවස්ථාවේ එම ස්ථානයේ සිටි කිහිපදෙනකුගෙන් ප‍්‍රකාශ සටහන් කරගෙන ඇති බවද හමුදාව වැඩිදුරටත් පවසයි.

මෙම වෙඩි තැබීමෙන් මියගොස් ඇත්තේ ගාල්ල පිලාන පදිංචි උදය ප‍්‍රදීප් කුමාර (39) නැමැති හිටපු නාවික හමුදා සාමාජිකයෙකි.

අදහස් (7)

උපනන්ද විදුහලේ වෙඩිතැබීම ගැන යුද හමුදාවෙන් පරීක්ෂණයක්

sharm warn Friday, 05 July 2019 10:03 AM

මම හිතනවා මේ හමුදා නිලධාරියා කලේ ඔහුට දුන්න රාජකාරිය . මිය ගිය පුද්ගලයා නාවික හමුදාවේ සිටි අයෙක් නම් ඔහු තුල මිට වඩා විනයක් තිබිය යුතුව තිබුණා .ඒ වගේම පාසලෙන් ආරක්ෂක නිලධාරීන් දැනුවත් කල යුතුව තිබුණා රෝගී වූ දරුවෙකුගේ නිවසෙන් කෙනෙකු එන්නට ඉඩ තිබෙන බව .යම් විදියකින් ඒ පුද්ගලයා දරුවන්ට අනතුරක් සිදු කල නම් එවිටත් වැරදි කරු වන්නේ මේ හමුදා නිලධාරියා ම ද ? ආරක්ෂාව කියන්නේ මොකක්ද? දැන් හරි ප්‍රශ්න ඉවරයි කිව්වම ඉවර වෙන තත්වයක් ද ? මම හිතනවා විදුහල්පති සහ ගුරුවරුන්ගේනුත් ප්‍රශ්න කල යුතුයි .

: 506 1372

ලසන්තFriday, 05 July 2019 11:52 AM

මෙයාගේ අදහස ඉතාම නිවැරදියි. දරුවෙකුගේ දෙමාපියන්ට හෝ භාරකරුවෙකුට පාසැලට එන්න කිව්වා නම් පාසැලෙත් හමුදා ආරක්ෂාව ඇත්නම් විදුහල්පතිගේ මෙන්ම පංතිය භාර ගුරු භවතා හෝ භවතියගේ වගකීමක් හමුදා සෙබලාට කෙනෙකු කැඳවා ඇතිබව දැන්වීම. එහෙම දන්වලා තිබුනානම් මෙහෙම විනාශයක් වෙන්නේ නැහැ.

: 0 38

chandanaSaturday, 06 July 2019 06:16 AM

ඔබගේ අදහසට තරයේ එකඟ වෙමි. එලෙසම තව කොටසක් එකතු කරමි. සැබැවින්ම ඔහුගේ හදිස්සිය සිය දරුවා වෙනුවෙන් නොවී වෙනත් කාරණයක් වීමටද ඉඩ ඇත... මක්නිසාද යත් දරුවාට එතරම් හදිසි තත්වයක් තිබී ඇත්නම් විදුහල විසින් දරුවා රෝහල් ගත කිරීම සඳහාද යම් වැඩපිළිවෙලක් යෙදීමටද කටයුතු කරන බැවිනි. ඔහුට හමුදා උණක් එන්නටද ඇත. ඒ හේතුවෙන් වාද විවාදයට වඩා දුර දිග යන්නටද ඇත. පපුව ආසන්නයට වෙඩි වදින්නට ඇත්තේද ආයුධය උදුරා ගැනීමට තැත්කිරීමක් හෝ ආයුධය අල්ලා ගැනීමක් කළ නිසා වන්නටද ඇත. කෙසේවුවත් ආවේගශීලී ලෙස දුර දිග නොබලා පාසලේ අනෙක් දෙව්පියන්ද කටයුතු කර ඇති බව පෙනී යන බැවින් එම ග්‍රාමයෙන් සෙබලාට සාධාරණයක් සිදුනොවනු ඇත...

: 0 0

athula Friday, 05 July 2019 11:20 AM

රටේ යුද්ධයක් නැති නිසා මෙවැනි හමුදා සාමාජිකයින් පාසල් මුර කිරීමට අවශ්‍ය නැහැ.

: 128 33

සමන්තFriday, 05 July 2019 12:14 PM

ඔබතුමා මම හිතන්නේ නිදියගෙන ඉන්නවද කොහෙද? හමුදා නිලධාරීන් මෙලෙස මුරට යොදවන්න හේතුව මාස 3ක් වත් යන්නට මත්තෙන් අමතක වීම ගැන කණගාටුයි. පාස්කු ඉරුදින ප්‍රහාරය සිදුකළ අන්තවාදීන්ගෙන් ආරක්ෂා වීම සඳහා ආරක්ෂක අංශ මෙලෙස රාජකාරියේ යෙදී සිටින බව අමතක වීම ඉතාම දුක්ඛිත තත්වයක්..

: 34 137

BamunuarachchiFriday, 05 July 2019 01:25 PM

සිංහලයාට සුමාන දෙකෙන් යටගියාව අමතක වෙනවා කියලා ප්‍රභාකරන් කීවේ කට කසනවාට නොවෙයි... මේවගේ සිංහල ගොයියෝ තමයි වැඩිහරියක් රටේ ඉන්නේ කියලා දැනගෙන...

: 1 93

chandanaSaturday, 06 July 2019 06:14 AM

ඔව් ත්‍රස්තවාදියෙක් නැවතත් මහා විනාශයක් කරන තෙක්. ඊට පස්සෙ ආයිත් දාමු. විනාශය අමතක වුණාම බැන බැන අයින් කරමු. ත්‍රස්තවාදියෙක් නැවතත් මහා විනාශයක් කරන තෙක්. ඊට පස්සෙ ආයිත් දාමු...

: 0 0