ඉන්දියාවේ මහාරාෂ්ට්ර ප්රාන්තයේ රන්ගාබාද් හි සංක්රමණික කම්කරුවන් 16 දෙනකු දුම්රියකට යටවීමෙන් මියගොස් ඇතැයි වාර්තා වේ.
දුම්රිය මාර්ගයේ නිදාගෙන සිටි පුද්ගලයන් මතින් දුම්රිය ගමන් කර ඇතැයි බලධාරීහු පවසති.
කොරෝනා වයිරසය පැතිරීම හේතුවෙන් අගුලු දමා ඇති ඉන්දියාවේ නගර වල සේවය කරන කම්කරුවන් බොහෝ දෙනකු දුම්රිය මාර්ග ඔස්සේ පයින්ම තම ගම්බිම් කරා ගමන් කරන බවත් එලෙස ගමන් කිරීමේදී වෙහෙසට පත් පිරිසක් දුම්රිය මාර්ගයේ නිදාගෙන ඇති බවත් ඔවුහු වැඩිදුරටත් පවසති.
මියගිය කම්කරුවන් පිරිස සැතපුම් 22ක් පමණ ඇවිදීමෙන් පසු විවේක ගැනීමට තීරණය කර ඇති අතර දුම්රිය ධාවනය නොවන බවට උපකල්පනය කර ඇති බව මූලික පරීක්ෂණ වලදී හෙළවී ඇත.
නගර වසා දැමීම හේතුවෙන් බොහෝ කම්කරුවන්ට ආහාර පාන මිලදී ගැනීමේ ගැටලු ඇතිවී තිබෙන බවත් ඔවුන් ගම්බිම් කරා ගමන් කිරීම හැර වෙනත් විකල්පයක් නොතිබූ බවත් පැවසේ.
ඉන්දියාවේ සංක්රමණික කම්කරුවන් මුහුණ දී තිබෙන දුක්ඛිත තත්ත්වය සම්බන්දව බොහෝ දෙනා කෝපය පලකර ඇතැයි මාධ්ය වාර්තා කර තිබේ.
ඉන්දීය අග්රාමාත්ය නරේන්ද්ර මෝදි මහතා පවසා ඇත්තේ රන්ගාබාද් හි සිදුවූ මාරක රිය අනතුරින් ජීවිත අහිමි වීම සම්බන්දව තමා අතිශයින් ශෝකයට පත්ව ඇති බවයි.
සීමාවන් ලිහිල් කිරීමත් සමග ගම්බිම් බලා යන සංක්රමණිකයන්ට විශේෂ බස්රථ හා දුම්රිය ලබාදෙන බව ඉන්දීය රජය නිවේදනය කර තිබේ.
(බීබීසි ඇසුරිණි - 085)
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ඉන්දියාවේ සංක්රමණික කම්කරුවන් 16 දෙනකු දුම්රියකට යටවීමෙන් මරුට
chandima Friday, 08 May 2020 01:09 PM
පව්. ඉතාම කණගාටුයි. එහෙත් අපේ වගේ කුළුණක් තිබුනානම් වෙනපාටක් දාලා ලයිට් පත්තු කරන්න තිබුනා.
SarathFriday, 08 May 2020 03:50 PM
අපිට කුළුණක් තියෙන එක ඔයාට අවුල් වගේද?
de silva berlin Saturday, 09 May 2020 02:11 AM
අපට උඩින් ඇවිත් පරිප්පු දමන්න.. හඳට රොකට් යවන්න.. ඩොලර් කෝටි ගණනක් වියදම් කරමින් IPL ගහන්න ඉන්දියාවට පුළුවන් වුණාට, අවතැන් වුණු කම්කරුවට නිවාසවලට යන්න, වැසිකිලි පහසුකම් සැපයීම වැනි ප්රාථමික සුභ සාධනයක් පුරවැසියාට සලසන්න ඉන්දියාවට බැරිවෙලා, යුරෝපය, ජපානය, ඇමරිකාව වැනි රටවල් දියුණුවෙලා තිබෙන්නේ ඔවුන් මුලින්ම තම රටේ කම්කරුවන්ගේ සහ මධ්යම පාන්තිකයින්ගේ ආර්ථිකය, අධ්යාපනය, ප්රවාහනය, පුරවැසි අයිතිවාසිකම් ශක්තිමත් කර පුරවැසියාගේ ජීවන තත්වය උසස් කිරීම නිසායි... ඉන්දියාවේ, චීනේ, ලංකාවේ අපට එම මට්ටමට යන්න බැරි.., මෙම රටවල කොපමණ ධනස්කන්ධයක් ලැබුණත් ඒවා භුක්ති විඳින්නේ, දේශපාලකයන්, නිලධාරීන් සහ ධනපති පන්තියේ සුළුතරයක් වීමයි.