පසුගිය දෙසැම්බර් 11වනදා පාර්ලිමේන්තුව පුරවැසි නීතිය සම්මත කළ දින සිට මේ දක්වා ඇතිවූ ගැටුම් වලින් පුද්ගලයන් 19දෙනකු මියගොස් ඇති බව ඉන්දිය බලධාරීහු පවසති.
 
මේ අතර පුරවැසි පනතට එරෙහිව උද්ඝෝෂණ සිදුකළ පුද්ගලයන් 1500කට වැඩි පිරිසක් පොලිසිය අත්අඩංගුවට ගෙන තිබේ.
 
මීට අමතරව පුද්ගලයන් 4000ක් පමණ රඳවාගෙන සිට නිදහස් කර ඇත.
 
සුළු ජාතීන්ට පුරවැසිභාවය ලබාදීම නීතියේ අරමුණ වන අතර අයදුම්කරුවන් 2014වසරේ දෙසැම්බර් 31දිනට පෙර ඉන්දියාවට ඇතුළු වූ අය විය යුතුය.
 
අගමැති මෝදි මහතා අමාත්‍ය මණ්ඩලය හමුවී විරෝධතා වලට අදාල ආරක්ෂක පියවර සාකච්ඡා කළ බව රජයේ ආරංචි මාර්ග සඳහන් කරයි.
 
කෙසේවුවද ඇඳිරි නිතිය සහ රජයේ දැඩි ක්‍රියාමාර්ග නොතකා උද්ඝෝෂණ දිගටම පවත්වන බව මාධ්‍ය වාර්තා කර ඇත.
 
දරුණුම ප්‍රචණ්ඩ ක්‍රියා සිදුවී ඇත්තේ ඉන්දියාවේ ජනාකීර්ණම ප්‍රන්තය වන උතුරු ප්‍රදේශයේ දී ය.
එම ප්‍රාන්තයේ පමණක් පුද්ගලයන් නව දෙනකු මියගොස් තිබේ.
 
(රොයිටර් පුවත් ඇසුරිණි - 085)