(නවරත්න සමරතුංග)
නැගෙනහිර පළාතට බලපා ඇති වියළි කාලගුණික තත්වය හේතුවෙන් ඉඟිනියාගල, පල්ලන්ඔය, නාමල්ඔය, අම්බලන්ඔය, එක්ගල්ඔය, පන්නල්ගම ආදී ප්රධාන ජලාශවල ජල ධාරිතා පහත වැටී ඇතැයි අම්පාර වාරිමාර්ග දෙපාර්තමේන්තු කාර්යාලය පවසයි.
ජලාශවල ජල මට්ටම පහත වැටීමට සාපේක්ෂව ගහකොළ සියල්ල මැරීයාමට පටන්ගෙන ඇති බවද, මේ හේතුවෙන් ගව පට්ටිකරුවන් විශාල පිරිසකට තම සතුන්ට අවශ්ය ආහාර සපයා ගැනීමේ උග්ර ගැටළුවකට මුහුණපා ඇතැයි ද එම කාර්යාලය වැඩිදුරටත් සඳහන් කරයි.
අක්කර අඩි හත්ලක්ෂ හැත්තෑ හත් දහසක ජල ධාරිතාවයක් රඳවා තබා ගත හැකි ඉඟිනියාගල සේනානායක සමුද්රයේ අද(21) දිනට පැවති ජලමට්ටම අඩි 48 ක් වූ අතර එහි ජල ධාරිතාවය අක්කර අඩි හැත්තෑ පන්දහස් හයසිය පනහක් බව වාරිමාර්ග දෙපාර්තමේන්තු කාර්යාලයේ ප්රකාශකයෙක් කීය.
පල්ලන්ඔය ජලාශයේ අද දිනට පැවති ජල මට්ටම අඩි 20 අඟල් 07 ක් ද, නාමල්ඔය ජලාශයේ ජල මට්ටම අඩි 07 අඟල් 07ක්ද, අම්බලන්ඔය ජලාශයේ අඩි 04 අඟල් 06ක්ද, එක්ගල්ඔය ජලාශයේ ජල මට්ටම අඩි12 අඟල් 08ක්ද, පන්නල්ගම ජලාශයේ ජල මට්ටම අඩි 16 අඟල් 07ක්ද වශයෙන් පහත වැටී තිබිණි.
මේ පිළිබඳව සීමා සහිත මිල්කෝ කිරිගොවි සමිති ඒකාබද්ධ බලමණ්ඩලයේ සභාපති ජගත් වීරසිංහ මෙසේ පැවසීය.
“ගහකොළ මැරිලා ගිහින්. සතුන්ට කන්න දෙයක් නෑ. කුඹුරුවල තියෙන තණකොළ කපාගෙන ඇවිත් දැන් සතුන්ට දෙනවා. අත් මුදලට පෞද්ගලිකව පුන්නක්කු ගෙනැත් දෙන්න සිද්ද වෙලා තියෙනවා. කිරි නිෂ්පාදනයට මේ පෑවිල්ල දරුණු ලෙස බලපාලා” ගොවි සංගම් සභාපති වරයා කීය.
අම්පාර දිසාපති ඩී.එම්.එල්.බණ්ඩාරනායක මහතා පැවැසුවේ වියළි කාලගුණික තත්වය හේතුවෙන් අවශ්ය ස්ථානවලට පානීය ජලය බෙදා හැරීමට ආපදා කළමනාකරණ ඒකකය පියවර ගෙන ඇති බවය.
කතරගම පාද යාත්රා වැනි වැඩසටහන්වලට සහභාගීවන දහස් ගණනක් ජනතාවට පානීය ජලය ලබාදීමට හා ටැංකි ලබා දීම සිදුකරන බවද දිසාපතිවරයා කීය.
පීඩාවට පත්වන ජනතාවගේ අවශ්යතාවයන් සපුරාලීමට ජලය සහිත ට්රැක්ටර්, ලොරි, බවුසර් රථ ස්ථානගත කර ඇති බවද පැවැසූ දිසාපතිවරයා මේ සඳහා රජයෙන් අවශ්ය ප්රතිපාදන ලබා දී ඇති බවද පැවසීය.
ඉන්දියාව සහ පාකිස්තානය අතර සටන් විරාම එකඟතාව ශ්රී ලංකාවේ ජනාධිපති, රජය හා ජනතාව ලෙස සාදරයෙන් පිළිගන්නා බව ජනාධිපති අනුර කුමාර දිසානායක මහතා නිවේදනය
රම්බොඩ ගැරඩි ඇල්ල ප්රදේශයේදි ප්රපාතයකට පෙරලුණු බස් රථය අද පස්වරුවේ ගොඩගෙන ඉදිරි පරික්ෂණ කටයුතු සදහා කොත්මලේ පොලිසිය වෙත රැගෙන යනු ලැබීය.
මොරගහහේන මිල්ලෑව ප්රදේශයේ නිවසක් ආලෝකමත් කිරීමට සවිකර තිබූ විදුලි බුබුළු වැලක සිදුවූ විදුලි කාන්දුවක් නිසාවෙන් එම විදුලි බුබුළු වැල ස්පර්ශ කළ නව හැ
කොස්ලන්ද මීරියබැද්ද ප්රදේශයේ පුද්ගලයෙකු නිවසේ දී ගින්නකට හසු වී අද (11) ජීවිතක්ෂයට පත්වී ඇති බව කොස්ලන්ද පොලීසිය පැවසීය.
කොත්මලේ බස් අනතුරින් තුවාල ලැබූවන් සුවපත් කර ගැනීම සඳහා හැකි උපරිමයෙන් දායකත්වය ලබා දෙන්නැයි ජනාධිපති අනුර කුමාර දිසානායක මහතා ප්රදේශයේ රෝහල් වලටත
වෙසක් පුර පසළොස්වක පෝය දිනය නිමිත්තෙන් බන්ධනාගාර ගත රැඳවියන්ට විවෘතව අමුත්තන් බැලීම සඳහා (OPEN VISIT) මැයි මස 12 හා 13 විශේෂ අවස්ථාවක් ලබාදීමට බන්ධනාගාර දෙ
ශ්රී ලංකාවේ විශිෂ්ටතම මට්ටමේ ජාත්යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්
රටක් දියුණු වීමට නම්, ජනතාව තුළ නිවැරදි මුල්ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක්ර
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්ය ප
ඉඩෝරයෙන් අම්පාරේ ජලාශ සිඳී - ගවපට්ටිකරුවන් පීඩාවට
chandima Friday, 21 June 2019 04:15 PM
වැව හිඳිලා ගවපට්ටි අමාරුවේ කිව්වම මට හිතුනේ පාර්ලිමේන්තුවට වතුර එන්නෙත් අම්පාරෙන්ද කියලයි..?