( නිමන්ති රණසිංහ) 

මහ බැංකු බැඳුම්කර සිද්ධියට අදාළ පර්පෙචුවල් ට්‍රෙෂරීස් සමාගම් සමූහයේ අධ්‍යක්ෂ අර්ජුන ඇලෝසියස් සහ එහි විධායක නිලධාරී  කසුන් පලිසේන යන දෙදෙනාට ඇප ලබා දීමට අද (1) කොළඹ ප්‍රධාන මහෙස්ත්‍රාත්  ලංකා ජයරත්න මෙනවිය නියෝග කළාය.

එක් අයකුට රුපියල් මිලියනයක් බැගින් වු  මුදල් ඇප දෙකක් සහ එක් අයකුට රුපියල් මිලියන 2 බැගින් වු ශරීර  ඇප 4 ක් මත  ඔවුන්ට ඇප ලැබුණු අතර ඇපකරුවන් ළඟම ඥාතීන් විය යුතු බවද මහෙස්ත්‍රාත්වරිය දැනුම් දුන්නාය. 

විදෙස් ගමන්ද තහනම් කළ මහෙස්ත්‍රාත්වරිය ඇප තැබීමේදී හැඳුනුම්පත් ඡායා පිටපත් ඉදිරිපත් කරන ලෙසද,සෑම මසකම අවසන්  ඉරිදා 9 සහ12 අතර කාලයේදී අපරාධ පරීක්ෂණ දෙපාර්තමේන්තුවේ පෙනි සිටිය යුතු බවටද නියෝග කළාය.   

මෙම සිදුවීමට අදාළ ප්‍රධාන සැකකරු තවමත් අත්අඩංගුවට නොගැනීම නඩු කටයුතු වලට බාධාවක් වන හෙයින් හා සැකකරුවන් දෙදෙනාගේ දරුවන්ගේ අසනීප තත්ත්වයන් පිළිබඳව සළකා බලමින්  මෙලෙස ඔවුනට ඇප නියම කෙරිණි.

පසුගිය පෙබරවාරි 4 වැනිදා මොවුන් දෙදෙනා රක්ෂිත බන්ධනාගාර ගත කළේය.

ඡායාරූප - ළහිරු හර්ෂණ