IMG-LOGO

අල කන්ටේනරයේ හොරොයින් ගෙන ආ 11 අල්ලති

(ඉන්දිකා රාමනායක)

පාකිස්ථානයේ සිට  අල කන්ටේනරයක කෘත්‍රිම අල ගෙඩි තුළ  බහා  හොරොයින් කිලෝ  කිලෝ 99 1/2  ක ප්‍රමාණයක් මෙරටට එවීමේ සිද්ධිය සම්බන්ධයෙන්   එම  කන්ටේනරය  මෙරටට ගෙන්වු බව කියන සමාගමේ හිමිකරු සමඟ සැකකරුවන් 11 දෙනෙකු     අත්අඩංගුවට ගත් බව පොලිස් මත්ද්‍රව්‍ය නාශක කාර්යාංශය පවසයි.

වැල්ලවත්තේ පදිංචි මෙම  සමාගමේ හිමිකරු සමඟ ඔහුගේ පාකිස්ථාන ජාතික බිරිඳ හා දියණිය ද අත්අඩංගුවට ගත් බව පොලිස් මත්ද්‍රව්‍ය නාශක කාර්යාංශය පවසයි.

අත්අඩංගුවට ගත්  සෙසු සැකකරුවන් අතර පාකිස්ථාන ජාතිකයකු, මෙම බහාලුම මුදා ගැනීම සදහා පැමිණ පුද්ගලයන් දෙදෙනා, බහාලුමේ ගමන් ගත් දෙදෙනා  ද බහාලුම ඉදිරිපසින්  පාකිස්ථාන ජාතිකයා සමඟ කුඩා ලොරි රථයෙන්  ගමන් ගත් පුද්ගලයන් තිදෙනෙකු ද වන බව පොලිසිය පවසයි.

අත්අඩංගුවට ගත් සැකකරුවන් වැල්ලවත්ත,  මීගමුව, යටියන,  මාරවිල,  මිනුවන්ගොඩ, වෙන්නප්පුව යන ප්‍රදේශවල පදිංචිකරුවෝ වෙති.

මීට දින කිහිපයකට පෙර  මෙම කන්ටේනරය මෙරටට පැමිණ ඇති අතර  එය  රේගුවෙන් මුදාගෙන   වෙන්නප්පුව බලා  රැගෙන යමින් සිටියදී පොලිස් මත්ද්‍රව්‍ය නාශක කාර්යාශය හා විශේෂ කාර්ය බළකායේ භට කණ්ඩායමක් විසින් ඊයේ (12) සවස මීගමුව කොච්චිකඬේ ප්‍රදේශයේ දී මෙම කන්ටේනරය අත්අඩංගුවට ගෙන තිබිණි.

 

මොවුන් මේවා  වෙන්නප්පුව  ප්‍රදේශයේ ගබඩාවක්  බලා රැගෙන ගොස් ඇති බවත්  ඩුබායි රටේ සිටින ජාවාරම්කරුවකු විසින් මෙය  මෙහෙයවා ඇති බවද පොලිස් ආරංචි මාර්ග පවසයි.

අත්අඩංගුවට ගත් සැකකරු අද (13) මාරවිල මහේස්ත්‍රාත් අධිකරණයට ඉදිරිපත් කර රැඳවුම් නියෝග ලබා ගැනීමට නියමිතය.

මත්ද්‍රව්‍ය නාශක කාර්යාංශය බාර නියෝජ්‍ය පොලිස්පති සංජීව මැදවත්ත මහතාගේ අධීක්ෂණය යටතේ, අධ්‍යක්ෂ ජ්‍යෙෂ්ඨ පොලිස් අධිකාරි  මංජුල සේනාරත්න මහතා ඇතුළු පොලිස් කණ්ඩායමක් සිද්ධිය සම්බන්ධයෙන් පරීක්ෂණ පවත්වයි.



අදහස් (3)

අල කන්ටේනරයේ හොරොයින් ගෙන ආ 11 අල්ලති

විපරමා Friday, 13 March 2020 11:14 AM

රේගුවෙන් මුදාහරින්න දැන් ඉන්න ඇමති බලපෑම් කෙරුවද කවුද දන්නේ ? එයා ගැන රටම දන්නවා.

:       3       69

නන්නාදුනන හාදයා Friday, 13 March 2020 12:21 PM

ඔව් ඒකම තමයි වෙන්න ඇත්තේ....................

:       0       24

nimal Saturday, 28 March 2020 11:21 AM

මේ මිනිස්සු මේවා ගෙනත් අපේ මිනිස්සුන් ළඟ තියෙන සල්ලි ඔක්කොම සුරගන රටම විනාස කරනවා. අපේ රටේ අනාගතය සම්පුර්ණයෙන්ම කා දමනවා. මේ රට බේරගන්න තියෙන හොඳම විදිය තමයි ඒ අල්ලගන්න මත්කුඩු අධි මාත්‍රාවකින් ඔවුන්ගේම ඇඟට ඇතුල් කිරීම. එවිට එක්කෝ උන් මැරෙයි නැත්නම් සදාකාලිකවම සිහි විකල් බවට පත්වේවි. එසේ නොකර හිරේ දැම්මම එතන ඉඳන් අපේ සල්ලි වලින් කකා තවත් හොඳට එම ජරා වැඩ බයක් නැතිව කරගෙන යනවා. දැන් මරණ දඬුවම ක්‍රියාත්මක කරන්නේ නැති නිසා හිරගෙවල් පුරෝගෙන කන්න දෙන්න ඕනේ නැහැ.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 266 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 794 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1206 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site