අරුග්ගොඩ සලිදුගේ කෝටි 2ක මත්ද්‍රව්‍ය බණ්ඩාරගමින් අල්ලයි

කුඩු.. කුඩු.. කුඩු.. හැමදාම කුඩු ... අල්ලනවා .. අල්ලනවා .. ඒත්, ඉවරයක් නැහැ. මේ ආකාරයට කෝටි ගණන් වටිනා මත්ද්‍රව්‍ය නිරතුරුවම මෙසේ රට තුළට එන්නේ කෙසේද? පෙරදී බන්ධනාගාරයෙහි හා ආරක්ෂක අංශවල පිරිස් ගැනද? ඇතැම් දේශපාලන අංශ ගැනද, කුඩු ජාවාරම් සම්බන්ධයෙන් පුවත් මැව්වා අපට මතකයි. දැන් ඔවුන් වෙනත් ආකාරයකින් මේ ජාවාරම් කරන්නේද? නැතහොත්, නීතියේ හා නීති අංශවල ඇසට වැලි ගසා සොයාගැනීමට අසීරු වඩාත් සංකීර්ණ ආකාරයකට මේ ජාවාරම් කෙරෙනවා වෙන්නට බැරිද? මත්ද්‍රව්‍ය ප්‍රවාහනය සඳහා උකුස්සෙකු පුහුණු කෙරුණු අවස්ථාවක්ද තිබුණා මතකයි. පෙරදී මත් ද්‍රව්‍ය වෙළඳාම සඳහා සමහර දේශපාලකයන්ගේ නම් ගැන සඳහන් වුවද, ඒ ගැන අදාළ අංශ ගත් පියවරක් ගැන එතරම් ප්‍රගතියක් නම් නොදැනේ. දේශපාලකයන් තමන්ගේ මඟුල් ගෙවල් හා අනෙකුත් උවමනාවන් සඳහා මුදල් වැය කරන්නේ ඔවුන්ගේ මුතුන් මිත්තන් උපයා තැබූ හතර මහා නිධානයෙන් ගන්නාක් මෙනි. මේ රටේ දේශපාලනය යනු පක්ෂ, පාට වලට බෙදී ජනයා රවටමින් තම තමන් සුඛිත මුදිත වෙන්නාවූ මහඟු ව්‍යාපාරයකි. ධන ඉල්ලමකි. ඡන්දදායකයා මේ ගැන නොසිතා පක්ෂ, පාට වලට ගැතිවී, වහල් වී උමතුවෙන් මෙන් හැසිරෙනු පෙනේ. අහෝ... මේ රටකට ගිය කලක්..

මත් ජාවාරම මහා පරිමාණ ව්‍යාපාරිකයාගේ සිට, කුරුම්බා විකුණන මිනිසා තෙක් විහිදිලා ගිහින් රටේ දරු සම්පත නොමරා මරන්න පටන් අරගෙන ගොඩක් කල් වුණත් කිසිම ආණ්ඩුවක් මත් කුඩු පිළිබඳ, විකුණන ජාවාරම් කාරයින්, කුඩු නිසා විනාශ වූ ජීවිත පිළිබඳ ජාතික ප්‍රතිපත්තියක් ගෙනෙන්න හිතුවේ නැහැ. මේ විනාශ වෙන්නේ රටේ දරුවන් !!! අරාබියට ගියොත් දරුවන් මතට ගොදුරු වෙයි කියලා බයක් නැහැ... හැබැයි ලංකාවේ... ළමයෙක් පාසල් යවන්නත් බැරි තත්වයක් තියෙන්නේ. ලොක්කෝ කයිවාරු ගැහුවට ඊයෙත් මහනුවර පාසල් දරුවන් තිදෙනෙක් ගැන පුවතක් පළවුණා..

පහුගිය දවස්වල දිගට හරහට මත් ද්‍රව්‍ය නම් ඇල්ලුවා. වෙන්නේ මොනවද කියන එක තමයි ප්‍රශ්නේ..? මේවා පිටිපස්සේ සමහර දේශපාලුවන් ඉන්න බව නම් අපි දන්නවා.

කහ ප්‍රසිද්ධියේ පිළිස්සුවාට කුඩු එසේ පුළුස්සන්නේ නැත...