( ඔගස්ටින් ප්‍රනාන්දු)

අඹු සැමි යුවළක් අතර ඇතිවු බහින් බස්වීමක් දුරදිග යාමෙන් ඇති වූ ගැටුමක් බේරීමට මැදිහත් වූ  අසල්වැසියෙකුගේ පොලු හා ඉදල් පහරින් බරපතල ලෙසින් තුවාල ලද සැමියා  සිද්ධය වු ස්ථානයේදීම මිය ගොස් ඇති බව පල්ලම පොලිසිය කියයි.
 
මෙසේ මිය ගොස් ඇත්තේ පල්ලම ගල්කුලිය පෙරියමඩුව ප්‍රදේශයේ විසු වික්‍රමසිංහ මුදියන්සේලාගේ රත්නායක ( 61 ) නමැති අයයි.
 
මෙම මරණය සම්බන්ධයෙන් මිය ගිය අයගේ බිරිද හා අසල්වැසි පුරුෂයෙකුව ප්‍රශ්න කිරිම පිණිස අත් අඩංගුවට ගත් බවත් පොලිසිය කියයි.
 
මිය ගිය අයගේ බිරිද මේ වන විට 60 වන වියේ පසු වන අතර ඇය වසර කිහිපයක සිටය විදේශ රැකියාවක නිරතව සිටිය බවත් පසුව ගෙදර ආ පසු මෙම දෙදෙනා අතර විටින් විට ගැටුම් හා පවුල් අවුල් ඇතිවි ඇති බවත් ඊයේ ( 16 දා ) ද පෙරවරු කාලයේ සිට මෙම දෙදෙනා අතර බහින්බස් විමක් පැවැති බවත් මෙයට හේතුව සැමියා පැළ සිටුවිමකට යන්න කතා කළ නිසා බිරිද එය ප්‍රතික්ෂේප කිරිම නිසා බවත් පසුව රාත්‍රියේ දීද දෙදෙනා අතර බහින්බස් විමක් ඇතිවු බවත් එහිදි සැමියා බිරිදට පහර කිහිපයක් ගැසු අතර එහිදි මෙම ආරාවුල බේරිමට අසල්වැසි පිරිමියෙකු  පැමිණි බවත් එවිට සැමියා පොල්ලක් ගෙන ඔහුට ද පහර දි ඇති බවත් කියයි.

මෙහිදි මිය ගිය අයගේ බිරිය පොල්ලක් ගෙන සැමියාට පහරදුන් බවත් අසල්වැසියා ද ඉදලක් ගෙන පහර දුන් බවත් පහරකා බරපතල ලෙසින් තුවාල ලද සැමියා එම ස්ථානයේ දි මිය ගිය බවත් කියයි.

මෘත ශරීරය පශ්චාත් වෛද්‍ය පරික්ෂණය සදහා හලාවත රෝහලට ගෙන යාමට නියමිතව ඇත .

පල්ලම පොලිස් ස්ථානාධිපති පොලිස් පරික්ෂක එච්.එම්.පි.බි.හේරත් මහතාගේ උපදෙසින් අපරාධ විමර්ශණ ඒකකයේ ස්ථානාධිපති උප පොලිස් පරික්ෂඛ උපාලි අබේරත්න මහතා ඇතුළු නිලධාරින් පරික්ෂණ සිදු කරති.