(ක.ග.කරුණාරත්න )

කෙරෝනා වයිරසය අසාදිත රෝගියෙකු පොලොන්නරුව පුලස්තිගම ප්‍රදේශයෙන් හමුවූ  පසු සති දෙකකට ආසන්න කාලයක් හුදෙකලා කර තිබූ ලංකාපුර ප්‍රාදේශීය ලේකම් කොට්ඨාසයට අයත් අභයපුර සහ සෝමපුර යන ග්‍රාම නිලධාරී වසම් දෙක අද (05) සිට එම හුදෙකලා තත්වයෙන් ඉවත් කලබව පොලොන්නරුව ප්‍රාදේශීය සෞඛ්‍ය සේවා අධ්‍යක්‍ෂ වෛද්‍ය සරත් ජයසිංහ මහතා පවසයි.

කොරෝනා වයිරසය ආසාදිත රෝගියා හමුවීමෙන් පසුව සෞඛ්‍ය අංශවල නිර්දේශය මත හුදෙකලා කර  තිබූ මුළු ග්‍රාම නිලධාරී වසම් ගණන 12කි. එයින් පහත සඳහන් ග්‍රාම නිලධාරී වසම් 10 පසුගිය මස 26 වෙනි දින සිට හුදෙකලා තත්වයෙන් ඉවත් කල බවද ඒ මහතා කීය. එම ග්‍රාම නිලධාරී වසම්   මෙසේය.

පටුනුගම,සංඝබෝධිගම,පුලස්තිගම,කෑගලුගම,තඹාල,රිෆායිපුර,අල්හිලාල්පුර,වීරපුර, ලංකාපුර සහ බෞද්ධාර්ථගම
පොලොන්නරුව දිස්ත්‍රික්කයෙන් හමුවූ කොරෝනා වයිරසය ආසාදිත ප්‍රථම රෝගියා වන වැලිසර නාවික හමුදා කඳවුරේ සේවය කල ඒ නාවික සෙබළාගේ පවුලේ සාමාජිකයින් හෝ එම සෙබළා සමඟ සෘජු සම්බන්‍ධතා පැවැත්වූ කිසිවෙකුටත් කොරෝනා වයිරසය ආසාදිතවී නොමැති බව පරීක්‍ෂණ වලින් තහවුරුවී ඇතැයිද වෛද්‍ය ජයසිංහ මහතා සඳහන් කලේය.