'අපි තවමත් දවසකට කෝටියක් කප්පම් ගෙවනවා'

(ජයන්ත සමරකෝන්)

දිනකට පෞද්ගලික බස්රථවලින් රුපියල් කෝටියක පමණ මුදලක් කප්පම් වශයෙන් ගැනීම තවමත් සිදුවන බව සත්‍යයක් යැයි ලංකා පෞද්ගලික බස් හිමියන්ගේ සංගමයේ සභාපති ගැමුණූ විජේරත්න මහතා අද (25) පැවසීය.

වේලා සටහන්කරුවන් මෙන්ම ‘රනර්ලා’ විසින් මෙම කප්පම් ගැනීම තවමත් නතර කර නැතැයි ද ඒ මහතා කීය.

ඒ අනුව, දිනපතා දිවයිනේ බස්රථ 20,000 කින් පමණ නිල හා නොනිල අයුරින් මෙම කප්පම් ගැනීම සිදුවන බව නොබියව පවසන බවද හෙතෙම සඳහන් කළේය.

ප්‍රවාහන රාජ්‍ය අමාත්‍ය දිලුම් අමුණුගම මහතා මෙම තතත්වය නතර කිරිම සඳහා බුද්ධි අංශ යොදවා වැටලීම් සිදුකර, සැකකරුවන් අත්අඩංගුවට ගැනීම අඛණ්ඩව සිදු කරනු ලැබූවද කප්පම් ගැනීම් තවදුරටත් සිදුවන බවද හෙතෙම පෙන්වාදුන්නේය.

අදහස් (10)

'අපි තවමත් දවසකට කෝටියක් කප්පම් ගෙවනවා'

රාජේශ් ඛන්නා Friday, 25 September 2020 10:08 AM

20 ගෙනෙනවා නම් ශ්‍රී ලංකාව තුළ දී හෝ පිට දී ශ්‍රී ලංකාවේ කාරණයක් වෙනුවෙන් කිසිම ස්වරුපයක කප්පම් ගැනීමක් හෝ කොමිස් ගැහිල්ලක් නොවන තැනට නීති සකස් කර ආණ්ඩුක්‍රම ව්‍යවස්ථාවට ඇතුළත් කරන්න. ජනාධිපති , අගමැති හා ද්විත්ව පුරවැසියන් ද ඇතුළුව රටේ සියළු දෙනාටම සමව බලපාන පරිදි ඇප නැති ව නඩු අසා සතියක් ඇතුළත නඩු අවසන් කොට ජීවිතාන්තය දක්වා බරපතළ වැඩ සහිතව දැඩි දඬුවම් ද ඇතුළත්වන පරිදි නීති සකස් විය යුතුමය.

: 1 8

prabha Friday, 25 September 2020 12:12 PM

හොඳ අදහස. ඒත් සතියෙන් නඩු අහන විනිසුරුවන් පත්කරන්නේ කවුද?

: 1 4

රාජේශ් ඛන්නාSaturday, 26 September 2020 04:59 AM

විනිසුරුවන් පත් කිරීම දත්ත පරිගණකයකට බාරදෙන්න. නිවැරදිම අය තෝරලා දේවි...

: 0 2

mahinda Friday, 25 September 2020 10:18 AM

මගී ජීවිත, මගී ආරක්ෂාව, මාර්ග නීති, මාර්ග විනය නීති තුට්ටුවකට නොසලකන ගැමුණුගේ බස් මාෆියාව මෙරටින් තුරන්කළ යුතුමයි. රටේ නීති තඹ සතයකට නොසලකන්නේ පුද්ගලික බස් මාෆියාව හා අනුරුද්ද පාදෙනියගේ වෛද්‍ය මාෆියාව පමණි. අඩු තරමින් පාතාල මැරයින් වුවත් රටේ නීතිය රකිනා පොලිසියට අධිකරණයට බියක් දක්වති.

: 1 7

Hafeel Friday, 25 September 2020 10:29 AM

එහෙමනම් එක රටක්, එක නීතියක් කියන්නේ?

: 1 9

ravin Friday, 25 September 2020 11:09 AM

කප්පමුත් ගෙවනවලු.. ලාබත් ලබනවලු.. කොහේද වරද?

: 1 6

kapila Friday, 25 September 2020 11:17 AM

මේ වරද කප්පම් දෙන තැනැත්තගෙයි. හැම කෙනෙක්ම කප්පම් දෙන එක නතර කළොත්, කප්පන් ඉල්ලන කෙනා මොනවා කරන්ටද?

: 2 8

Kappam Gewana Magiya Friday, 25 September 2020 12:09 PM

මගී ජනතාව වන අපි එහෙනම් දැන් අවුරුදු කීයක් ඔහෙට කප්පම් ගෙවනවද?

: 1 7

විජිත් Friday, 25 September 2020 03:34 PM

ඉතින් මොන මගුලකටද කප්පම් ගෙවගෙවා මේ බස් බිස්නස් එක කරන්නේ...? බස්කාරයින් නිතරම කියන්නේ පාඩුයි. අතින්, කයින් වැඩක් නැහැ. අපරාදේ වගේ කතන්දර. ගැමුණු, පච හලන එකෙත් ප්‍රමාණයක් තියෙනවා.. බිස්නස් පාඩු නම්.. තවත් නය වෙන්නේ මොකටද..? යන්න. ඔක්කොම බස් ටිකත් අරගෙන යන්න. වැඩිම වුනොත් සුමානයක් මිනිස්සු රස්තියාදු වේවි.. ලංගම නොකඩවා දුවවලා හරි මේ අවස්ථාව - අවස්ථාවක් කරගන්න රජය උත්සාහ ගත යුතුයි. රජය එය නොකරන්නේ දුෂිත ඇමතිලාට දේශපාලුවන්ට අයත් ප්‍රයිවෙට් බස් තියෙන නිසා. ජේ ආර් අායෙත් ගෙනාපු මේ ප්‍රයිවට් බස් නැතිවුණොත්... කන් අඩි පුපුරන සද්ද දාගෙන, පොලිතීන් එල්ලගෙන, කළු දුම් දාගෙන රේස් යන ප්‍රයිවෙට් බස් මාෆියාව නැතිවේවි. උදේ ඉඳන් මගීන්ගේ ඉතිරි සල්ලි හොරාකමින්, මගීන්ට බොහොම ආදරයෙන් කුණුහරුපයෙන් අමතන කොන්දාටයි රේස් යන ඩ්‍රයිවර්ටයි. ගැමුණුගේ පිහිටයි.

: 0 6

Perera Friday, 25 September 2020 07:44 PM

කප්පම් ගන්න අයට දේශපාලන හයියක් තියෙන නිසා තමයි නවත්තන්න බැරි.

: 1 1

ඔබේ අදහස් එවන්න

දියත

ගින්නට හසු වූ තිදරු පියා මරුට

2025 මැයි මස 11 395 0

කොස්ලන්ද මීරියබැද්ද ප්‍රදේශයේ පුද්ගලයෙකු නිවසේ දී ගින්නකට හසු වී අද (11) ජීවිතක්ෂයට පත්වී ඇති බව කොස්ලන්ද පොලීසිය පැවසීය.

‘තුවාල වූ අය බේරගන්න උපරිමය කරන්න‘

2025 මැයි මස 11 1210 0

කොත්මලේ බස් අනතුරින් තුවාල ලැබූවන් සුවපත් කර ගැනීම සඳහා හැකි උපරිමයෙන් දායකත්වය ලබා දෙන්නැයි ජනාධිපති අනුර කුමාර දිසානායක මහතා ප්‍රදේශයේ රෝහල් වලටත

රැඳවියන්ට වෙසක් තෑග්ගක්

2025 මැයි මස 11 329 0

වෙසක් පුර පසළොස්වක පෝය දිනය නිමිත්තෙන් බන්ධනාගාර ගත රැඳවියන්ට විවෘතව අමුත්තන් බැලීම සඳහා (OPEN VISIT) මැයි මස 12 හා 13 විශේෂ අවස්ථාවක් ලබාදීමට බන්ධනාගාර දෙ