(ජේ.කේ.එල්. චාමින්ද)
 
දක්ෂිණ  අධිවේගි මාර්ගයේ පින්නදුව හා බද්දේගම අතර ප්‍රදේශයේදී අද(28) වෑන් රථයක් බස්රථයක ගැටීමෙන් 9දෙනෙකු තුවාල  ලබා ගාල්ල කරාපිටිය ශික්ෂණ රෝහලට  ඇතුළත්කර  ඇති බව අධිවේගි මාර්ගයේ පින්නදුව පොලිස්මුරපොළ පවසයි.
 
තුවාල ලබා ඇත්තේ හම්බන්තොට ප්‍රදේශයේ පුහුණු වැඩමුළුවකට සහභාගීවීමට වෑන් රථයෙන් යමින් සිටි කෘෂිකර්ම දේපාර්තමේන්තුවට සම්බන්ධ පිරිසකි.
 
තුවාලකරුවෝ කරාපිටිය  රෝහලේ 58 වාට්ටුවේ ප්‍රතිකාර ලබති.
 
වෑන්රථය අම්බලන්ගොඩ සිට ගාල්ල දෙසට  ධාවනය වෙමින් තිබියදි 92.5සැතපුම් කණුව ආසන්නයේ දි කාර් රථයක් මාර්ගයෙන් ඉවතට පැන අධිවේගී මාර්ගයේ වැටේ වැදීමෙන් අනතුරකට ලක්ව තිබුණි. එම ස්ථානයේ දි වෑන් රථයේ වේගය අඩුකිරීමත් සමග පිටුපසින් පැමිණි බස්රථය වෑන් රථයේ ගැටී ඇති බැව් පරීක්ෂණවලදි අනාවරණය වී ඇත.
 
අධිවේගී මාර්ගයේ පින්නදුව පොලිස් මුරපොළ මෙම අනතුර සම්බන්ධව පරීක්ෂණ පවත්වයි.