( කාංචන කුමාර ආරියදාස)

ගලේවෙල මිවලපතහා ගල්වල්වැටියාගම ප්‍රදේශයේ ගොවියෙකු   තමන් සීසාමින් සිටි අත් ට්‍රැක්ටරයෙන් ඇදවැටී ඊට යටවිමෙන්  මියගොස් ඇතැයි ගලේවෙල පොලිසිය කියයි.

මෙසේ මියගොස් ඇත්තේ ගලේවෙල මීවලපතහා ගල්වටියාගම  පදිංචි ආර් .ඩී ශියානන්ද (48) හැවිරිදි දෙදරු පියෙකි.

මහා පරිමාණෙන් එළවළු සහ වී වගාව සිදු කරන මෙම ගොවි මහතා ඊයේ (11) පස්වරුවේ තම නිවස පිටුපස ඇති කුඹුරේ  වි වගාව සඳහා දෙවැනි හීයසෑම සඳහා නිවසින් ටැක්ටර් රථය  ද සමග පිටත් වූ බව බිරිඳ  කියයි.

විනාඩි කිහිපයක් ගතවනවාත් සමග  ප්‍රදේශ්යේ තරුණයන් දෙදෙනකු පැමිණ තම සැමියා කුඹුරේ වැටී සිටින බව දැනුම් දුන් බව ද ඇය පැවසුවාය.

සි පෑන්  වර්ගයේ අත් ටැක්ටරය කුඹුරේ පළමු ලියැද්දට යොදවන වත් සමඟ ආසන්නයේ තිබුණු මුරුංගා  ගහක  මුලක  මඩ රෝද  පැටලී  ඉවතට වැටුණු ගොවියා එම්  නගුල් තල වලට යටවී මීටර් කිහිපයක් ඇදගෙනගොස්  ඇතැයි ද , ටැක්ටර්ය රියැදුරු නොමැතිව මීටර් 200 ක් පමණ වෙනත් වගාවන් හරහා ධාවනය වී ඇතැයි ප්‍රදේශවාසීහු පවසති.

 එසේ ටැක්ටර් රථය ධාවනය වෙමින් දුටු අවට  පදිංචිකරුවන් වහා දිව විත් ඇත්තේ  රියදුරෙකු නොමැතිව ඇක්ටරයක්  කුඹුරු මැද ධාවනය වන දර්ශනය දැකීම්ත් සමඟ බව ඇසින් දුටුවෝ පවසති.

පසුව එම කණ්ඩායම වහා ක්‍රියාත්මක වී ධාවනය වෙමින් තිබූ ටැක්ටර් රථය නවතා ටැක්ටරය පැමිණි මාර්ගය දිගේ මීටර් දෙසීයක් ආපස්සට ගමන් කිරීමේ දී මෙම ගොවි මහතා වැටී සිටිනු දැක නිවසට දැනුම් දී දඹුල්ල මූලික රෝහලට වහා අරැගෙන ගිය බවත් ඔවුහු පවසති.

රෝහලට රැගෙන යන විටත් මෙම ගොවියා මිය ගොස් සිටි බව රෝහල් ප්‍රකාශකයෙකු සඳහන් කළේය.

මියගිය ගොවි මහතාගේ  පශ්චාත් මරණ පරීක්ෂණ කටයුතු අද (12)  දඹුල්ල රෝහලේ දී පැවැත්වීමට නියමිත අතර ගලේවෙල පොලිසිය වැඩිදුර පරීක්ෂණ පවත්වයි.