අත්හැර දැමු මැණික් පතලකට වැටී අක්කා-නගෝ මරුට

(ක.ග.කරුණාරත්න)

ඇලහැර,කිරිඔය ප‍්‍රදේශයේ පිහිටි නිවෙසක් පිටුපස අත්හැර දමා තිබූ මැණික් පතලකට ඇද වැටීමෙන් එකම පවුලේ කුඩා දැරියන් දෙදෙනෙකු අද (17) සවස මරුමුවට පත්වී ඇතැයි බකමූණ පොලීසිය කියයි.

පසුගිය දිනවල පැවැති වර්ෂාව නිසා ජලයෙන් පිරී තිබූ බව කියන එම පතල් වළට වැටී සිටි දැරියන් දෙදෙනා ගොඩට ගෙන රෝහල් ගතකර ඇතැත් ඒ වනවටත් මියගොස් සිටි බවද පොලීසිය සඳහන් කලේය.

අවුරුදු 05 සහ 07 යන වයස්වල පසුවන මේ දැරියන් දෙදෙනා අක්කා සහ නංගී බවද ඔවුන් මිදුලේ සෙල්ලම් කරමින් සිටියදී දිය පිරුණු වළට ඇද වැටෙන්නට ඇතැයි සැක කරන බවද විමර්ශන සිදු කරන පොලිස් නිලධාරීහු කියති.

මියගිය දරු දෙදෙනාගේ මරණ සම්බන්‍ධයෙන් හදිසි මරණ පරීක්‍ෂණ සහ පශ්චාත් මරණ පරීක්‍ෂණ හෙට(18) බකමූණ රෝහලේදී පැවැත්වීමට නියමිතය.

බකමූණ පොලීසිය මේ පිළිබඳව පරීක්‍ෂණ පවත්වයි.

අදහස් (5)

අත්හැර දැමු මැණික් පතලකට වැටී අක්කා-නගෝ මරුට

Pradeep Monday, 18 May 2020 02:30 AM

මේ දරුවන්ගේ දෙමව්පියන් කොයිතරම් නොසැළකිලිමත්ද කුඩා දරු දෙදෙනෙක් සිටින නිවස අසල අනාරක්ෂිත වලක් තබා ගැනීමට තරම්....?

: 17 25

saman Monday, 18 May 2020 03:45 AM

වල වහන්න බැරි නම්, වල වටේට වැටක් ගහන්න බැරි උනාද තාත්තට ? අපරාදේ පොඩිදරුවෝ. නොසැළකිලිමත්කම කාගේද?

: 0 5

චමින්ද Monday, 18 May 2020 06:30 AM

පතල් සදහා බලපත්‍ර දීමේදී කොන්දේසියක් තියෙනවා පතල් වැසිය යුතු බවට... එහෙම තිබුනත් ඒ ගැන මැණික් අධිකාරියේ අවධානයක් සිදුවෙලා නැහැ කියන්න පුළුවනි. ඒ වගේම මැණිකක් ලැබුනාම ඒ පිරිසට උන්හිටි තැන් අමතක වෙනවා අපි දැකල තියෙනවා. මේවාට නිවෙස් හිමියාත් වගකිව යුතුය...

: 0 4

Raveendra Monday, 18 May 2020 07:43 AM

අනේ පව් රත්‍රන් දුපැටව් රටට අහිමිවීම. දරු දෙදෙනාට නිවන්සුව අත්වේවා !!! මෙම පතල අත්හැර දැමු එකක් වුවත් එය සදහා බලපත්‍ර ලබාගත් තිරිසනාට නීතිමය කටයුතු කල නොහැකිද ?

: 0 14

Samitha Senaka Aluthgamage.Monday, 18 May 2020 11:19 AM

රවීන්ද්‍ර මහතා නිවැරදියි. මැණික් පතලක් මෙසේ අනතුරුදායක ලෙස නිරාවරණයව තියන්නට රටේ නීතිය අනුව කිසිසේත් බැහැ. මෙයට පොලීසියද වගකිව යුතුයි. අසරණ දරුවන්ගේ මියයාමෙන් පසුව පවසා ඇත්තේ පරීක්ෂණ පවත්වන බවයි. තම රාජකාරිය ඉටුකිරීමට නොදත් පොලීසිය දැන් පවත්වන කෙහෙල්මල් පරීක්ශනේ මොකක්ද කියලයි අහන්නට වෙන්නේ. පරීක්ෂණ ....

: 0 25