(හර්ෂණ තුෂාර සිල්වා)
ජනාධිපතිවරණයේ ඡන්ද විමසීම පැවැත්වෙන දිනය සහ ඉන් පසු කාලයේදී සමාජ මාධ්යවල හැසිරීම නිරීක්ෂණය කිරීම සඳහා නිරීක්ෂකයන් පස් දෙනකු යොදා ඇතැයි යුරෝපා සංගම් මැතිවරණ නිරීක්ෂණ දූත කණ්ඩායමේ ප්රධානී මරිසා මටියාස් මහත්මිය ලංකාදීපයට පැවැසුවාය.
යුරෝපා සංගම් මැතිවරණ නිරීක්ෂණ දූත කණ්ඩායමේ එම සාමාජිකයන් පස්දෙනා ඔක්තෝබර් මාසයේ මැද සිට සමාජ මාධ්යවල හැසිරීම නිරීක්ෂණය කළ බවත් මැතිවරණ ප්රචාරණ කටයුතු අවසන් වූ පසු ආරම්භ වූ නිහඬ කාලයේ සමාජ මාධය හැසිරීම සම්බන්ධයෙන් විශේෂ අවධානයක් යොමු කළ බවත් මරිසා මටියාස් මහත්මිය කීවාය.
යුරෝපා පාර්ලිමේන්තුවේ සාමාජිකයන් පස් දෙනකුගෙන් සමන්විත යුරෝපා සංගම් මැතිවරණ නිරීක්ෂණ කණ්ඩායම ජනාධිපතිවරණයේ අවසන් අදියරේ නිරීක්ෂණ කටයුතු ඉකු-ත් දා (13) ආරම්භ කළ අතර එම කණ්ඩායම සාමාජිකයන් 80 දෙනකුගෙන් සමන්විතය. ඊට යුරෝපා සංගම් පාර්ලිමේන්තුවේ සාමාජිකයෝ පස් දෙනෙක් ද අලුතෙන් එක්ව සිටිති.
ජනාධිපතිවරණ සමයේ සමාජ මාධ්ය නිරීක්ෂණය සඳහා ක්රමවේද රැසක් භාවිත කරන බවත් සිදුවීම් එකින් එක නිරීක්ෂණය කරන අතර යුරෝපා සංගමයේ මැතිවරණ නිරීක්ෂණ දූත කණ්ඩායමේ නියෝජ්ය ප්රධානී දිමිත්රා යුවානෝ මහත්මිය මීට පෙර ‘ලංකාදීපය’ට පැවැසුවාය.
අන්තර්ජාලය කෙරෙන හා සිදුවන දේශපාලන සන්නිවේදන කටයුතු විශ්ලේෂණය කිරීමට උපකරණ හා විවිධ තාක්ෂණික ක්රමවේද රැසක් භාවිත කරන බව මේ සම්බන්ධයෙන් කරන ලද විමසීමකදී දිමිත්රා යුවානෝ මහත්මිය කීවාය. එමගින් අපට ප්රචණ්ඩත්වය ඇති කිරීමට ගන්නා ලද උත්සාහ කිරීම්, පෙළඹවීම්, වෛරී හා භයානක ප්රකාශ, අපහාස, දුස් තොරතුරු සහ ව්යාජ පුවත් යනාදිය සම්බන්ධයෙන් තොරතුරු එකතු කරගැනීමට හැකි බව ද දිමිත්රා යුවානෝ මහත්මිය පැවැසුවාය.
ඊට අමතරව මෙවර ජනාධිපතිවරණයේ මැතිවරණ ව්යාපාරය හැසිරීම, භාවිතය සහ ඒවායේ අන්තර්ගතය ද නිරීක්ෂණය කරන බව ද දිමිත්රා යුවානෝ මහත්මිය සඳහන් කළාය.
“එම නිරීක්ෂණ කටයුතුවලදී අපි අන්තර්ජාල ක්රියාකාරකම් විශේෂයෙන්ම ප්රධාන දේශපාලන ක්රියාකාරීන් සහ සමාජ මාධ්ය බලපෑම්කරුවන්ගේ හැසිරීම, ඔවුන්ගේ ක්රියාකාරකම් නිරීක්ෂණය කරනවා. අපි එකින් එක සිද්ධිය අධ්යයනය කරනවා, නිරීක්ෂණය කරනවා වගේම ඒ සම්බන්ධයෙන් අවධානයෙන් සිටිනවා” යැයි ද ඇය වැඩිදුරටත් කීවාය.
මේ අතර යුරෝපා සංගම් මැතිවරණ නිරීක්ෂණ කණ්ඩායම ඡන්ද මධ්යස්ථාන 300ක් ඡන්දය ගණනය කරන මධ්යස්ථාන 30ක් ආවරණය පරිදි නිරීක්ෂණ කටයුතුවල නිරත වේ.
යුරෝපා සංගම් මැතිවරණ නිරීක්ෂණ කණ්ඩායම ජනාධිපතිවරණයෙන් පසු ඔවුන්ගේ නිරීක්ෂණ ඇතුළත් සම්පූර්ණ වාර්තාවක් ද නිකුත් කිරීමට නියමිතය.
(ඡායාරූප - ඒ.එෆ්.පී)
හිටපු ජනාධිපති මෛත්රිපාල සිරිසේන මහතා පාස්කු ඉරු දින ප්රහාරයට මේ රටේ පුරවැසියකු ගැන හෝ මේ රටේ පුරවැසියෙකුගේ සම්බන්ධතාවක් ගැන හෝ කිසිදු තොරතුරු
මත්ද්රව්ය සමග අත්අඩංගුවට පත් නාවික හමුදාවේ ලුතිනන් කමාන්ඩෝවරුන් දෙදෙනා ඇතුළු සැකකරුවන් සිව් දෙනා මැයි මස 09 දින දක්වා රක්ෂිත බන්ධනාගාර ගත කිරීමට ක
හිටපු ජනාධිපති මෛත්රිපාල සිරසේන මහතාගේ සභාපතිත්වය යටතේ පැවති සමයේදී ශ්රී ලංකා නිදහස් පක්ෂයේ අසාධාරණයට ලක්වූ පිරිස් සම්බන්ධයෙන් සොයා බැලීමට පස්දෙ
සමගි ජන බලවේගය සහ ජාතික ජන බලවේගය අතර යෝජිත විවාදය සඳහා මැදිහත් පාර්ශවයක් ලෙස කටයුතු කරන්නැයි සමගි ජන බලවේගයේ මෙහෙයුම් ප්රධානී නලින් බණ්ඩාර මහතා ශ්
පුද්ගලයන් 200 කට ආසන්න සංඛ්යාවක් විදේශ රැකියාවලට පිටත්කර යවන බවට පොරොන්දු වෙමින් රුපියල් කෝටි 30 කට ආසන්න මුදලක් වංචා කළේ යැයි කියන මහරගම ප්රදේශයේ විද
ගාසා හි ගැටුම්වලින් විපතට පත්වූවන් වෙනුවෙන් සහන සැලසීම සඳහා ජනාධිපති රනිල් වික්රමසිංහ මහතා විසින් ආරම්භ කරනු ලැබූ ගාසා හි ළමා අරමුදල (Children of Gaza Fund) සඳහා ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ජනපතිවරණ සමයේ සමාජ මාධ්යවල හැසිරීම සොයන්න නිරීක්ෂණ කණ්ඩායමක්
Praba Friday, 15 November 2019 09:20 AM
මෙම මැතිවරණ ව්යාපාරයේ ඉතා පිළිකුල් සහගත පැත්තක් මේ. සමාජයේ උගත් වැදගත් යයි සම්මත වෘත්තිකයන් පවා නිර්ලජ්ජී ලෙස තමා අකමැති අපේක්ෂකයන් සමාජ මාධ්ය හරහා චරිත ඝාතනයට ලක්කළා...
lankasri Friday, 15 November 2019 12:31 PM
මාගේ අදහස නම් පලවූ 95%ක්ම මඩ ප්රහාර සත්ය ඒවා බවයි. නමුත් ප්රශ්නය ඇත්තේ ඇත්ත ඇති සැටියෙන් දකින්න වැඩි දෙනා අකමැති බවයි.