මන්දකට හසු වී දිවියෙක් මරුට

(රංජිත් රාජපක්ෂ )

හැටන් දිඹුල පොලිස් වසමට අයත් ස්ටෝනික්ලිප් වතු යායේ තේ වත්තේ සැරිසැරූ දැවැන්ත දිවියෙකු අද (16) අලුයම මන්දකට හසු වී මිය ගොස් ඇති බව දිඹුල පොලිසිය පවසයි.

කිසියම් පිරිසක් වල් ඌරන් දඩයම් කිරීම සදහා අටවා තිබූ මන්දකට දිවියා හසු වි ඇති බව පොලීසිය පවසයි.

පසුගිය කාලයේ ස්ටොනික්ලිප් වතුයායේ විශාල වශයෙන් දිවියන් සැරිසැරීම නිසා වන ජීවී නිලධාරීන් තේ වත්තේ සැරිසැරූ දිවියන් රක්ෂිතවලට පලවා හැරීමට විශාල මෙහෙයුමක්ද කළේය.

අඩි 4 ක් පමණ දිගකින් සහ අඩි 3 ක් පමණ උසකින් යුත් හොදින් වැඩුණු මෙම දිවියාගේ උදරය මන්දට හසු වී ඇති අතර මන්දෙන් බේරීම සදහා දිවියා උත්සහ කළ අවස්ථාවේ දිවියා එම මන්දට හිර වී මිය ගොස් ඇතැයි ඔවුහු කියති.

අදහස් (5)

මන්දකට හසු වී දිවියෙක් මරුට

lanka Saturday, 16 February 2019 09:39 AM

දිවියා මන්දට අසුවී මිය යාම කණගාටුදායක වුවත්, මේ වත්තේ වැඩකරන සේවකයින්ට දිවියාගෙන් හානියක් නොවූ එකත් හොඳ දෙයක් යයි සිතමි.

: 46 15

Samathasena A . Aluthgamage. Sunday, 17 February 2019 02:55 AM

මිනිසා වැසි වනාන්තර එලි පෙහෙළි කොට වගා කළා. සතුන්ට අයිති බිම් අල්ලාගෙන ඔප්පු තිරප්පු හදා ගත්තා.අනේ ! වන සතා සිව්පාවා සීමාවන්ට කොටුවුනා. මේ සතුන් චන්ඩ වෙන්නේ දරුණු මිනිසා ඉදිරියේදීයි. මේ සතුන්ට පුඩු තබා අල්ලලා නොමිනිසුන්ට දඬුවම් කිරීමට වන ජීවී එකට බැහැ. ලොකුවට බෝඩ් ලෑලි, සැපපහසු වාහන ඇතුළු සියලු පහසුකම් ඒ අය ලබන්නේ මේ වන සතුන් නිසයි. මේ වැනි දුර්ලභ වන සතුන් මෙසේ මරා දමන රටක වන ජීවී අමාත්‍යාංශයක් කුමකටද ? ඔප්පු නොතිබුනාට වන සතුන්ටද මේ පොලෝ තලය අයිති බව මස් වැද්දෝ නොදනිති. පරිසර තුලනයට මෙම සතුන්ද අවැසි බව මෝඩයෝ නොදනිති. මේ රටේ වගාවන් වලට මුවාවී වනසතුන් සංහාරය කෙරෙනා බව වන ජීවීය නොදනී. ඒවා වැලැක්වීමට ඔවුනට උවමනාවක් නැත්තේමය. තලගොයා, ගෝණා මීමින්නා, මුවා ඉබ්බා ආදී සතුන් දුටු තැන මරා කති. වනජීවී නීතිය පොතට පමණය. ක්‍රියාව සඳහා නොවේ. වන සතුන්ගෙන් වනය නොබෝ කලකින් හිස්වූ විට වනජීවියද නිරතුරුවම වැසීයනු ඇත. පාරිසරික තුලනය නොමැතිවීමෙන් මිනිසාටද ප්‍රශ්ණ ඇතිවෙයි.

: 3 109

sandy123Monday, 18 February 2019 06:37 AM

ඔබේ වටිනා අදහස් වලට තුති...!!!

: 3 53

asankaMonday, 18 February 2019 11:52 AM

සමතසේන, ඔබේ අදහස් නගරයක සැප පුටුවක ඉඳගෙන කරන ප්‍රකාශ ලෙසයි මට හැඟෙන්නේ. පසුගිය ශත වර්ෂයේ මුල් භාගයේ කොළඹ ප්‍රධාන නගරයට දකුණින්, ගාල්ල දක්වා වූ භුමි බාගය වනයෙන් වැසුණු ජනාකීර්ණ නොවූ ප්‍රදේශයක් විය. නමුත්, අද එම ප්‍රදේශ අතීතයේ තිබු කැලෑ එලිවී ජන ගනත්වයෙන් ඉතා අධික, අධිවේගී මාර්ග ඇති ප්‍රදේශ බවට පත්වී ඇත. එසේනම්, එවැනි ප්‍රදේශ එලිවී ඒවායේ සිටි සතුන් පලවා හැරීමත් වරදක්ද? කුඩාරටක ජනගහනය වැඩි වනවිට කැලෑ එලිවීම යථාර්තයකි. වන ජීවී අමාත්‍යාංශයට රටේ සතුන් සිටින තැන් සියල්ල වටකොට වැටවල් බැඳිය නොහැක... ඔය දිවියන් කොළඹ අවට ප්‍රදේශයේ සැරිසැරුවා නම් ඔවුන්ගේ ඉරණම කුමක් විය හැකිද?

: 0 0

Samathasena A . Aluthgamage.Friday, 22 February 2019 09:26 AM

අසංක මහතා, ඔබතුමාගේ අදහස් මා ගරු කරමි. ඒත්, ඒවා සත්‍ය නොවන බව කණගාටුවෙන් පවසමි. නගරයක ඉපදීම, සැප පුටුවක සිටීම සත්‍යය දැකීමට බාධාවක් නොවේ. ඒවා සැබෑ වුණත්, මා ගහකොළ, සතාසිව්පාවා සමග සමීපව සිටිනා කෙනෙකි. එමෙන්ම මාගේ අදහස් මා ප්‍රායෝගිකව ලත් අත්දැකීම් හා බැඳී පවතී. මා කී දේ ඉහත සැන්ඩි මහතා මෙන් ඔබතුමා දුටුවේ නැත. මා කී දේහි වරදක් තිබේ දැයි නැවත සිතා බලන්න...

: 0 1

ඔබේ අදහස් එවන්න

සේයා රූ

දුම්රිය මගේ සෙල්ෆි ගන්න ගිය මවක දියණියක මරුටය

2024 දෙසැම්බර් මස 22 128 0

රත්නපුර සිට අනුරාධපුරයේ පැවැත්වෙන ක්‍රීඩා තරගයක් සඳහා පැමිණ සිටින අතර වාරයේ දුම්රිය මාර්ගයේ සිට ඡායාරූපයක් ගැනීමට ගිය කාන්තාවක සහ පාසල් දියණියක අනු

ට්‍රම්ප් දිනුම්

2024 නොවැම්බර් මස 06 6700 25

රිපබ්ලිකන් ජනාධිපති ධුර අපේක්ෂක හිටපු ජනාධිපති ඩොනල්ඩ් ට්‍රම්ප් සහ ඩිමොක්‍රටික් පක්ෂ ජනාධිපති ධුර අපේක්ෂිකා, වත්මන් උප ජනාධිපතිනී කමලා හැරිස් අතරේ

විදුලියට නව පිටුවක් ජපානය පෙරළයි

2023 අප්‍රේල් මස 19 6303 11

ජලය පමණක් භාවිතාකර විදුලිය ජනනය කළ හැකි අති නවීන තාක්ෂණයෙන් යුත් විදුලි ජනන යන්ත්‍රයක් ශ්‍රී ලංකාවට හඳුන්වා දී තිබේ.

ජනපති නව වසරේ වැඩ අරඹයි

2023 අප්‍රේල් මස 17 7702 25

ජනාධිපති රනිල් වික්‍රමසිංහ මහතා ජනාධිපති කාර්යාලයේදී අද නව වසරේ වැඩ ආරම්භ කළේය.

අලුත් අවුරුද්දේ පේරා සරසවි ඇදුරෝ ගත් තීරණය

2023 අප්‍රේල් මස 17 18384 10

විශ්ව විද්‍යාල ආචාර්යවරුන්ගේ වෘත්තීය සමිති මාර්තු මස 03 වනදා සිට ක්‍රියාත්මක කළ ක්‍රියාමාර්ගය නිමාකරමින් අද සිට පේරාදෙණිය විශ්ව විද්‍යාලීය පීඨ නමයෙහ

තැන තැන නැකතට හිස තෙල් ගාති

2023 අප්‍රේල් මස 16 1334 0

සිංහල සහ දෙමළ අලුත් අවුරුද්දේ හිස තෙල් ගැල්වීමේ නැකත අද (16) පෙරවරු 9.41 ට යෙදී තිබුණි.