(අජන්ත කුමාර අගලකඩ)   
පළාත් පාලන මැතිවරණයට නාමයෝජනා ලැයිස්තු සකස් කිරීම සම්බන්ධයෙන් ප්‍රධාන පක්ෂ සියල්ලම පාහේ අර්බුදයකට ලක්ව සිටින බව දේශපාලන ආරංචි මාර්ග සඳහන් කරයි. 

සන්ධාන හෝ පෙරමුණ වශයෙන් තරග කිරීමේදී එක් එක් දේශපාලන පක්ෂ හා කණ්ඩායම් තම කෝටාව වැඩිකර ගැනීමට දරන උත්සාහයන් හේතුවෙන් මෙම තත්ත්වය ඇතිව තිබෙන බවද එම ආරංචි මාර්ගවලින් පැවැසේ. 

ඒකාබද්ධ විපක්ෂය, ශ්‍රී ලංකා නිදහස් පක්ෂය, එක්සත් ජාතික පක්ෂය හා දෙමළ ජාතික සන්ධානය යන දේශපාලන පක්ෂ ඇතැම් පළාත් පාලන ආයතනවල ලැයිස්තු සකස් කිරීමේදී මේ තත්ත්වය ඇතිවී තිබෙන බව වාර්තාවේ. 

ඒකාබද්ධ විපක්ෂය කොළඹ දිස්ත්‍රික්කයේ ආසන කීපයක නාමයෝජනා ලැයිස්තු සකස් කිරීමේදී මෙම ගැටලුව උග්‍ර ලෙස පැන නැගී ඇති බවද දැන ගන්නට ඇත. 

මේ අතර දෙමළ ජාතික සන්ධානයේ හවුල්කාර පක්ෂයක් වූ ටෙලෝ සංවිධානයද ගිය සතියේ ඉන් ඉවත්ව වෙනම සන්ධානයක් ලෙස පළාත් පාලන මැතිවරණයට තරග කිරීමට තීරණය කර තිබිණි.