නව කොරෝනා වයිරසයට එරෙහි සටනේ ඉදිරියෙන්ම සිටින වෛද්‍යවරුන්ට සහ හෙද හෙදියන්ට මුදලින් ප්‍රසාද දීමනා දෙන බවට රුසියානු ජනාධිපති ව්ලැදිමීර් පුටින් පොරොන්දුවක් දී ඇත.

කෙසේ නමුත් ඇතැම් වෛද්‍ය සේවකයන්ට මුදල් වරප්‍රසාද තියා කිසිදු වරප්‍රසාදයක් ලැබී නැති බවත් ඇතැම් වෛද්‍ය සේවකයන්ගේ නිවාසවලට සහ සේවා ස්ථානවලට නිරන්තරයෙන් ආරක්ෂක අංශ සාමාජිකයන් පැමිණෙන බවත් වාර්තා වේ.

මසකට ඇමෙරිකානු ඩොලර් 1,100කට ආසන්න මුදලක් දක්වා වෛද්‍යවරුන්ට සහ හෙද හෙදියන්ට මුදලින් ප්‍රසාද දීමනා දෙන්නැයි රුසියානු ජනාධිපතිවරයා නියෝග කර ඇති අතර මෙය රුසියානු ජනාධිපතිවරයාගේ ධුර කාල සීමාවේ සිදු වූ විශාල ජයග්‍රහණයක් යැයි ද පැවසේ. රුසියාව 1990 වසරේ ඇති වූ ව්‍යාකූලත්වයෙන් පසුව රට තුළ ප්‍රතිසංස්කරණ සිදු කළ අතර රටට නව ජීවයක් දීම සඳහා වෙනස්කම් ද කළේය.

පළාත් 29ක් සිය නියෝග නොතකා හැර ඇති බවත් ප්‍රසාද දීමනා ලැබී ඇත්තේ රටපුරා සිටින වෛද්‍ය සේවකයන්ගෙන් අඩකටත් අඩු පිරිසකට බවත් රුසියානු ජනාධිපතිවරයා පැවැසීය.

මේ වනවිට තෙවැනියට වැඩිම ආසාදිතයන් වාර්තා වන්නේ රුසියාවෙනි. රුසියාවෙන් අද (26) පස්වරු 6 වනවිට වාර්තා කොරෝනා ආසාදිතයන්ගේ සමස්ත ගණන 3,62,342ක් විය. එරටින් වාර්තා වූ සමස්ත කොරෝනා ආසාදිත මරණ ගණන 3,807ක් විය.


‘ද නිව්යෝක් ටයිම්ස්’

055