තායිලන්තයේ කොරෝනා වයිරසය මැඩපැවැත්වීම සඳහා නව සීමාවන් ප්රකාශයට පත් කිරීමෙන් පසු සංක්රමණික කම්කරුවන් දස දහස් ගණනක ආසන්න රටවලට පිටත්ව ගිය බව වාර්තා වේ.
සති අන්තය වනවිට බොහෝ දේශසීමා වසා දැමීමට බලධාරීන් කටයුතු කළ අතර දෙපාර්තමේන්තු, වෙළඳසැල්, සාප්පු, කෑම අවන්හල්, රූපලාවන්යාගාර සහ වෙනත් පොදු ස්ථාන ද වසා දැමීමට නියෝග කෙරිණි.
මෙම වසා දැමීම් වලින් පසු ගම්බද ප්රදේශවල තායි කම්කරුවන් ද බැංකොක් වෙත පලා එමින් සිටින බව සඳහන් වේ.
විශාල වශයෙන් නගරවලින් පිටතට නොයන ලෙසත්, රෝගය පැතිරීම වැළැක්වීම සඳහා රැඳී සිටින ලෙසත් තායි බලධාරීන් කම්කරුවන්ගෙන් ඉල්ලා ඇත.
තායි සෞඛ්ය අමාත්යාංශයේ ජ්යෙෂ්ඨ උපදේශකයකු වන ටවී චොට්පිටයාසුනොන්ඩ් පැවසුවේ විශාල වශයෙන් ගමන් කිරීම වයිරසය පැතිරීම වැඩි කරන බවයි.
තායිලන්තය සහ අසල්වැසි රටවල් අතර බොහෝ දේශ සීමා මාර්ග සඳුදා වන තුරු විවෘතව පවතින අතර එමගින් සංක්රමණික සේවකයින්ට රට හැර යාමට ඉඩ සැලසෙනු ඇතැයි තායි අභ්යන්තර කටයුතු අමාත්යාංශයේ නිලධාරියෙක් පැවසීය.
“බොහෝ සංක්රමණික සේවකයන්ට ඉවත්ව යාමට අවශ්ය නිසා අපි ඔවුන්ට එක් දිනක් පමණක් එසේ කිරීමට ඉඩ දෙන්නෙමු. හෙට සියලු හරස් හෙට සියලු හරස් මාර්ග වසා දමනු ඇත” යැයි ඔහු පැවසීය.
ප්රධාන වශයෙන් ලාඕසය, මියන්මාරය සහ කාම්බෝජය යන රටවලින් පැමිණි සංක්රමණික ශ්රමිකයන් මිලියන පහක් පමණ තායිලන්තයේ සිටින බවට ගණන් බලා තිබේ.
ලාඕසය සහ මියන්මාරය තවමත් කිරීටක වයිරස් රෝගීන් වාර්තා කර නොමැත. සංක්රමණික සේවක අයිතිවාසිකම් ජාලයේ සම්බන්ධීකාරක සුතසිනි කව්ලෙක්ලායි පැවසුවේ ආදායමක් නොමැතිව ඔවුන්ට තායිලන්තයේ ජීවත් විය නොහැකි බවයි.
මියන්මාර කම්කරුවන් 7,000 ක් පමණ ඉරිදා(22) තායිලන්තයෙන් පිටත්ව ගොස් ඇත.
මියන්මාරයේ, ලාඕසයේ සහ කාම්බෝජයේ බලධාරීන් ආපසු පැමිණෙන කම්කරුවන්ට දින 14 ක් ස්වයං හුදෙකලා වීමට පවසා තිබේ.
සඳුදා නව රෝගීන් 122 ක් වාර්තා කිරීමෙන් පසුව තායිලන්තයේ කොරෝනා වයිරස් ආසාදිතයින් සංඛ්යාව 721 දක්වා ඉහළ ගොස් ඇති අතර එක් අයෙකු මියගොස් තිබේ.
(රොයිටර් පුවත් ඇසුරිණි - 085)
එක්ස්.ඊ.සී ලෙස නම් කර ඇති දෙමුහුම් කොවිඩ් ප්රභේදයක් යුරෝපයේ රටවල් පුරා ශීඝ්රයෙන් ව්යාප්ත වෙමින් තිබෙන බවත් ඉතාමත් ඉක්මණින් එක්ස්.ඊ.සී ප්රධාන ප්ර
කොවිඩ් 19 වෛරසය වැළඳී අනුරාධපුර ශික්ෂණ රෝහලේ නේවාසිකව ප්රතිකාර ලබමින් සිටි කාන්තාවක් අද(29ද) මියගොස් ඇතැයි රෝහල් ආරංචිමාර්ග කියයි.
නව ’කොවිඩ් 19’ වයිරස ප්රභේදයක්, මේ වනවිට, එක්සත් රාජධානිය පුරා ව්යාප්ත වෙමින් පවතී.
කොවිඩ් ආසාදිතයින් 7දෙනෙකු ඊයේ (30)සොයාගෙන ඇතැයි සෞඛ්ය අංශ පවසයි.
‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්ය සේවා අධ්යක්ෂ ජනරාල්වරයා අද (29) පස්වරුවේ තහවුරු කළේය.
‘කොවිඩ්’ වයිරසය ආසාදිත රෝගීන් 114 දෙනකු අද (25) අලුතින් හඳුනාගත් බව සෞඛ්ය සේවා අධ්යක්ෂ ජනරාල්වරයා පස්වරුවේ නිවේදනය කළේය.
ශ්රී ලංකාවේ අංක එකේ පාරිභෝගික ඉලෙක්ට්රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්රී ලංකාවට හදුන්වාදෙන ලදි.
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්රමුඛතම විශ්වවිද්යාලයක් වන NSBM
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
සංක්රමණික කම්කරුවෝ දස දහස් ගණනක් තායිලන්තය හැර යති