එෆ්.අස්ලම්

ඌව වෙල්ලස්ස  විශ්ව විද්‍යාලයේ උපාධි පාඨමාලා හතරකට අදාලව පැවැත්වෙන අභියෝගතා  පරීක්ෂණය සදහා අයදුම්පත් බාර ගැනීම දින නියමයක් නොමැතිව නැවතත් කල් දැමීමට සිදුවූ බව එම විශ්ව විද්‍යාලයේ උපකුලපති මහාචාර්ය ජයන්ත ලාල් රත්නසේකර මහතා පැවසීය.

2019 වසරේ උසස් පෙළ ප්‍රතිඵල වලට අනුව ඌව වෙල්ලස්ස විශ්ව විද්‍යාලයේ උපාධිපාඨමාලා හතරක් සදහා නවක සිසුන් බදවා ගැනීමේ අභියෝගතා පරීක්ෂණයට අයදුම්පත් බාරගැනීම මැයි 04 වනදාට ප්‍රථම සිදුකිරීමට සරසවි පරිපාලනාධිකාරිය පියවර ගෙන තිබුණද රට තුළ පවතින තත්වය සැලකිල්ලට ගනිමින් නැවත එම දිනය  කල්දමූ බවද    උපකුලපතිවරයා පැවසීය.

කොවිඩ් 19 වසංගත තත්වය සැලකිල්ලට ගනිමින් කල් දැමූ අයදුම්පත් භාර ගැනිමේ දිනය නව පාසල් වාරය ආරම්භ වීමෙන් පසු තීරණය කරන බවද හෙතෙම කියා සිටියේය.