(දිල්රුක්ෂි ග්‍රේරු)

ඉකුත්  පෙබරවාරි මාසයේ සිට මාසය සඳහා  අප්‍රේල් 20 වැනි දිනට පෙර ගෙවීමට නියමිත මූල්‍ය සේවා මත, එකතු කළ අගය මත බදු ගෙවීම (වැට්) සඳහා අප්‍රේල් 30 වැනිදා තෙක් කල් දී ඇතැයි  දේශීය ආදයම් දෙපාර්තමේන්තුව නිවේදනය කරයි.  

ඒ අනුව ඉහත සඳහන්  කාල සීමා සඳහා අප්‍රේල්  30 හෝ එදිනට පෙර කරනු ලබන ගෙවීම් සියල්ල නියමිත දිනට  ගෙවූ බවට සලකනු ලබන අතර  කාල සීමා ප්‍රමාද  ගෙවීම් මත පනවන  දණ්ඩනය ඉවත් කරන බවද  දේශිය ආදයම් දෙපාර්තමේන්තුව විසින් නිකුත් කරන ලද නිවේදනයක සඳහන් වේ.

ජනාධිපති ලේකම් කාර්යාලය විසින් ලබා දුන්  උපදෙස් අනුව බදු ගෙවන්නන් සඳහා  මෙම කරුණු දැනුම් දීමට දේශිය ආදායම් දෙපාර්තමේන්තුව පියවර ගෙන තිබේ.

මීට අමතරව  සියලුම එකතුකළ අගය මත බද්ද සඳහා ලියාපදිංචි වු පිරිසට  රටේ පවතින තත්ත්වය සළකා බලා කරුණු කිහිපයක් පිළිබදව  දේශිය ආදායම් දෙපාර්තමේන්තුව මගින් උපදෙස් මාලාවක්ද නිකුත්  කර ඇත.

එම සියලු කරුණු පහත නිවේදනයේ දැක්වේ.