කොරෝනා වයිසය ආසාදනයෙන් ලොව පුරා මේ වන විට මරණ 41,654 ක් සිදුවී තිබේ.

අමෙරිකා එක්සත් ජනපදයෙන් මේ වන විට වාර්තා වන මරණ සංඛ්‍යාව 3,400 ඉක්මවා ඇති අතර එම සංඛ්‍යාව චීනයෙන් වාර්තා වන මරණ සංඛ්‍යාව ඉක්මවා ඇත.

ඒ අනුව තුන්වැනියට වැඩිම මරණ සංඛ්‍යාවක් වාර්තා වන රට බවට අමෙරිකාව පත්ව තිබේ.

මරණ 12,428 ක් වාර්තා වන ඉතාලිය ලොව වැඩිම මරණ සංඛ්‍යාවක් වාර්තා වී ඇති රට බවට පත්ව ඇත.

දෙවැනියට වැඩිම මරණ සංඛ්‍යාවක් වාර්තා වන රට බවට ස්පාඤ්ඤය පත්වී ඇති අතර එරටින් වාර්තා වන මරණ සංඛ්‍යාව 8,269 ක් වේ.

මේ වන විට ලොව පුරා පුද්ගලයින් 820,000 අධික සංඛ්‍යාවකට වෛරසය ආසාදනය වී තිබේ.

මේ අතරින් පුද්ගලයින් 174,000 කට අධික සංඛ්‍යාවක් සුවය ලබා සිටිති.

(අල්ජසීරා හා සීඑන්එන් ඇසුරෙනි)
-226-