ගෝලීය වසංගතයක් බවට පත්ව තිබෙන නව කොරෝනා වයිරසයේ ව්යාප්තියත් සමඟ ලෝක ශිෂ්ය ජනගහනයෙන් අඩකට වැඩි පිරිසකට පාසල්, විශ්වවිද්යාල හෝ අධ්යාපනික ආයතනවලට යෑමට නොහැකි වී ඇතැයි යුනෙස්කෝ සංවිධානය අද (18) ප්රකාශ කළේය.
මේ අනුව මිලියන 850 කට වැඩි තරුණ ප්රජාවට එලෙස පාසල් හෝ විශ්වවිද්යාල අධ්යාපනය අහිමි වී ඇත.
ලොව මෙතෙක් මුහුණ නොදුන් ආකාරයේ අභියෝගයකට මුහුණ දී ඇතැයි ද කොරෝනා වයිරසයේ ව්යාප්තිය පාලනය කිරීමට ගෙන ඇති ක්රියාමාර්ග හේතුවෙන් රටවල් 102ක් එම රටවල පාසල් වසා දමා ඇතැයි ද එක්සත් ජාතීන්ගේ අධ්යාපන, විද්යා හා සංස්කෘතික (යුනෙස්කෝ) සංවිධානය සඳහන් කළේය. තවත් රටවල් 11 අර්ධ වශයෙන් පාසල් හෝ විශ්වවිද්යාල වසා දමා ඇතැයි ද එම රටවල් ඉදිරියේදී සම්පූර්ණයෙන්ම ඒවා වසා දමනු ඇතැයි ද යුනෙස්කෝ සංවිධානය සඳහන් කළේය.
‘‘ලොව පුරා දරු දැරියන් හා තරුණ තරුණියන් මිලියන 850කට වැඩි පිරිසකට ගෙවල්වල ඉන්න වෙලා. ඔවුන්ට පාසල් හෝ විශ්වවිද්යාලවලට යන්න විදියක් නැහැ. මේ ගණන ලෝකයේ ශිෂ්ය ජනගහනයෙන් හරි අඩක්’’ යැයි යුනෙස්කෝ සංවිධානය නිවේදනයක් නිකුත් කරමින් සඳහන් කළේය.
මේ සංඛ්යා දත්තා දිනෙන් දින වැඩි වන බව ද එම සංවිධානය සඳහන් කළේය.
‘‘ඉතා වේගයෙන් පාසල් සහ විශ්වවිද්යාල වැසෙමින් තිබෙනවා. මෙය අපි කවදාවත් මුහුණ නොදුන් තත්ත්වයක්. මෙය අප හමුවේ තිබෙන විශාල අභියෝගයක්’’ යැයි ද යුනෙස්කෝ සංවිධානයේ නිකුත් කළ නිවේදනයේ දැක්විණි.
පාසල් වසා දැමීමත් සමඟ ඇතැම් රටවල් විඩියෝ තාක්ෂණය සහ ඉහළ තාක්ෂණික ක්රමවේද මඟින් අධ්යාපනය ලබා දීම ආරම්භ කර ඇත. ඇතැම් රටවල් රූපවාහිනි සහ ගුවන්විදුලි සේවා ඔස්සේ අධ්යාපනික වැඩසටහන් ක්රියාත්මක කර ඇත.
ඒ.එෆ්.පී.
055
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ලෝක ශිෂ්ය ජනගහනයෙන් අඩකට වැඩි පිරිසක් ගෙවල්වල
සනත් ඉතාලිය Wednesday, 18 March 2020 06:13 PM
ආන්ඩුවට ගුරු වර්ජනයට මුහුන දෙන්න බැරිව රටවල් 110ක පාසල් වහලනෙ බලන්න ජනාධිපති තුමාගෙ හැදියාව.
මුණසිංහ Thursday, 19 March 2020 01:36 AM
ශ්රී ලංකාවේත් දියුණු තාක්ෂණය උපයෝගී කරගෙන අධ්යාපනය හැදෑරීමට කාලය ඇවිත්. බොහෝ පුද්ගලික විශ්ව විද්යාල දැනටමත් ඒ ආකාරයට වැඩ. සමහර පාසල් තමන්ගේ වෙබ්පිටුව හරහාත් සිසුන් සමග සම්බන්ධ වෙනවා. fb සමග ඉන්න සිසුන් මේ ආකාරයට වෙනත් පැත්තකට යොමු කරගෙන අධ්යාපනය හැදෑරීමට දෙමාපියනුත් උත්සාහ ගත යුතුයි.