IMG-LOGO

2025 ජුලි මස 19 වන සෙනසුරාදා


රුසියාවේ කොරෝනා වයිරස රෝගීන්ට ප්‍රතිකාර කරන රෝහලක ගින්නක්

රුසියාවේ මොස්කව් නගරයේ කොරෝනා වයිරස රෝගීන්ට ප්‍රථිකාර කරන රෝහලක ඇතිවූ ගින්නකින් එක් පුද්ගලයෙකු මියගොස් ඇතැයි වාර්තා වේ.

මොස්කව් නගරයේ වයඹ දිග පිහිටි මෙම රෝහලේ නේවාසික රෝගී කාමරයක ගින්න හටගෙන ඇතැයි බලධාරීහු පවසති.

වහාම ක්‍රියාත්මක වූ ගිනි නිවන භටයන් විසින් ගින්න මැඩපැවැත්වීම හේතුවෙන් හානිය අවම කර ගැනීමට හැකිවී තිබේ.

රෝහලේ සියලුම රෝගීන් වෙනත් රෝහල් වෙත මාරු කිරීමට පියවර ගත් බව මොස්කව් නගරාධිපති සර්ජි සොබියානින් පවසයි.

ගින්නට හේතුව පරීක්ෂා කිරීමට උපදෙස් දුන් බවද ඔහු වැඩිදුරටත් පවසයි.

රුසියාවේ මේ වනවිට වාර්තා වන කොරෝනා ආසාදිත රෝගීන් සංඛ්‍යාව 198 676කි.

රටපුරා සිදුවී ඇති මුළු මරණ සංඛ්‍යාව 1 827කි.

රුසියාවේ කොරෝනා වයිරස කාර්ය සාධක බලකාය පවසන්නේ රුසියාව ආසාදිත රෝගීන් සංඛ්‍යාවෙන් ලෝකයේ පස්වන තැනට පත්වී ඇති බවයි.

මෙම සතියේ රුසියාව ආසාදිත රෝගීන් සංඛ්‍යාවෙන් ප්‍රංශය සහ ජර්මනිය ද ඉක්මවා ගියේ ය.

කෙසේ වුවද සමහර රුසියානු මාධ්‍ය වාර්තා කර ඇත්තේ සත්‍ය ආසාදිත රෝගීන් සංඛ්‍යාව නිල සංඛ්‍යාවට වඩා බෙහෙවින් වැඩි බවයි.

මොස්කව් හි අගුලු දැමීම මැයි 31 දක්වා දීර්ඝ කර ඇති බව නගරාධිපති සර්ජි සොබියානින් පවසයි.

මැයි 12 වනදා සිට සියලු මොස්කව් වැසියන් පොදු ස්ථාන වලදී මුඛ ආවරණ හා අත්වැසුම් පැළඳය යුතු බවට ද දැනුම් දී ඇත.

කොරෝනා වයිරසය සඳහා එන්නතක් නිපදවන තුරු හෝ වසංගතය අවසන් වන තුරු අගුලු දැමීම ක්‍රියාක්මක කිරීමට සිදුවනු ඇතැයි රුසියානු රජයේ ප්‍රකාශකයෙකු පවසා ඇත.


(රොයිටර් පුවත් ඇසුරිණි - 085)
 



අදහස් (0)

රුසියාවේ කොරෝනා වයිරස රෝගීන්ට ප්‍රතිකාර කරන රෝහලක ගින්නක්

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 406 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 565 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 233 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site