බ්රසල්ස් - (ඒ.එෆ්.පී.)
බෙල්ජියමේ පුරවැසියන්ට නිවාසවලට වී රැඳී සිටින්නැයිද, පවුලේ සාමාජිකයන් සමඟ සම්බන්ධතා සීමා කරන්නැයිද පවසමින් බෙල්ජියමට ඇතුළුවීම සහ පිටවීම වළක්වා, හුදකලා රටක් බවට පත්කිරීමට තීරණය කරමින් බෙල්ජියමේ අගමැතිවි සොෆී විලියම්ස් මහත්මිය නිවේදනය කළාය. මෙම තීරණය අද (18 වැනිදා) දහවල් සිට ක්රියාත්මක වීමට නියමිතය.
ඒ අනුව, අත්යවශ්ය නොවන වෙළඳසැල් වසා දමනු ඇති අතර, මිනිසුන්ට නිවාසවල සිට සේවය කරන ලෙස දැනුම් දෙනු ඇත. සුපිරි වෙළඳසැල් පවා පාරිභෝගිකයන් සීමා කිරීමට පියවර ගෙන ඇත.
මෙම තත්ත්වය ඊයේ දිනයේදී ප්රංශය විසින් අනුගමනය කරන ලද ක්රියාවලියට බෙහෙවින් සමාන වන නමුත් කිසියම් ආකාරයක ළිහිල් බවක් තිබේ. තම තමන්ට අවශ්ය බඩු භාණ්ඩ මිලදී ගැනීම සඳහා සුපිරි වෙළෙඳ සැල් වලට සහ බැංකු වෙතටත්, තැපැල් කාර්යාල සහ පොත් සාප්පු වෙත යාමටත් නිදහස බෙල්ජියම් වැසියන්ට තිබේ.
එසේ වුවද කාර්යාලවල සේවය කරන සීමිත පිරිසට සමීප ගනුදෙනු නොතබාගන්නා ලෙසද දැනුම් දී තිබේ.
අද දහවල් වන විට බෙල්ජියමේ පුද්ගලයන් 1486 දෙනෙකුට වයිරසය ආසාදනය වී ඇති අතර, 10දෙනෙකු මිය ගොසිනි.
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2007 නොබෙල් සාම ත්යාගයේ (උප සභාපති, IPCC) සම-ජයග්රාහකයා සහ 2021 නිල් ග්රහලෝක ත්යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග්රහණය කිරීමට ශ්රී ලංකා ඉන්ෂුවරන්ස් පාපන්දු කණ්ඩායම සමත් විය. ශ්රී ලංකා ඉන්ෂුවරන
බෙල්ජියමට ඇතුළුවීම-පිටවීම තහනම් කරයි