බ්‍රිතාන්‍ය මහ රැජින ජාතිය ඇමතීමේ සූදානමක්

බ්‍රිතාන්‍ය මහ රැජින ඉරිදා (05) රාත්‍රී 7.00ට ජාතිය ඇමතීමට නියමිත බව බකිංහැම් මාලිගය නිල වශයෙන් නිවේදනය කර ඇත.

මේ වනවිට 93 හැවිරිදි වියේ පසුවන දෙවැනි එලිසබෙත් මහ රැජින නත්තල් දිනයේ දී නිකුත් කරනු ලබන සාම්ප්‍රදායික පණිවිඩය හැර සිය වසර 68ක පාලන කාලයේ දී ජාතිය අමතන සිව්වැනි අවස්ථාව මෙයයි.

මීට පෙර ඇය ජාතිය අමතා ඇත්තේ 1991 දී පළමු ගල්ෆ් යුද්දය සම්බන්ධයෙන්, 1997 දී ඩයනා කුමරියගේ අවමංගල්‍ය අවස්ථාවේ දී සහ 2002 දී මව් රැජිනගේ අභාවයෙන් පසු යන අවස්ථා තුනේ දී පමණි. එසේ වුව ද 2012 වර්ෂයේ දී ඇය තම කිරුළු පැළඳීමේ දියමන්ති ජුබිලිය සමරන අවස්ථාවේ දී රූපවාහිනී දේශනයක් පැවැත්වූවාය. නමුත් එය ජාතිය ඇමතීමක් ලෙස සළකන්නේ නැත.

බකිංහැම් මාලිගයේ සේවකයකුට කොවිඩ් - 19 වයිරසය ආසාදනය වීම හේතුවෙන් මහ රැජින සිය නිල රාජකාරී අතහැර එඩින්බරෝ ආදිපාදවරයා සමග බර්ක්ෂයර්හි වින්ඩ්සර් මාලිගයේ සිටින්නීය. මාර්තු මැද සිට ඇය පූර්ව ආරක්ෂාවක් ලෙස වින්ඩ්සර් මාළිගයේ නැවතී සිටියි.
ඇයගේ විශේෂ කතාව වින්ඩ්සර් මාළිගයේ දී පටිගත කර රූපවාහිනී සහ ගුවන්විදුලි නාලිකා ඔස්සේ විකාශය කිරීමට නියමිතය. මෙහි දී කොවිඩ් - 19 වයිරසයේ පැතිරීම සම්බන්ධයෙන් රැජින විශේෂ ප්‍රකාශයක් කරන බව ද බකිංහැම් මාළිගයේ ප්‍රකාශකයකු පවසා ඇත.
බ්‍රිතාන්‍යයේ පසුගිය පැය 24 දී වයිරසයෙන් මියගිය සංඛ්‍යාව 684කින් ඉහළ ගොස් තිබේ. ඒ අනුව මේ වනවිට බ්‍රිතාන්‍යයේ සිදුව ඇති මරණ සංඛ්‍යාව 3,605කි. තහවුරු කරගත් කොවිඩ්-19 ආසාදිතයන් සංඛ්‍යාව 38,168ක් බව එරට මාධ්‍ය වාර්තා කරයි.
ස්කොට්ලන්තයේ මරණ සංඛ්‍යාව 46කින් ඉහළ ගොස් ඇති අතර වේල්සයේ මරණ 24ක් අලුතින් වාර්තා වී ඇත.
බ්‍රිතාන්‍යයේ මරණ සංඛ්‍යාව 144ක වූ අවස්ථාවේ දී මහ රැජින විශේෂ නිවේදනයක් නිකුත් කළ අතර එමගින් ඇය කියා සිටියේ බ්‍රිතාන්‍යය දැඩි අවිනිශ්චිත කාල සීමාවකට අවතීර්ණ වෙමින් සිටින බවයි. එම නිවේදනයේ දී ඇය වෛද්‍යවරුන්ට, විද්‍යාඥයන්ට, සෞඛ්‍ය කාර්ය මණ්ඩලයට සහ හදිසි සේවා සපයන්නන්ට ප්‍රශංසා කළ අතර සෑම පුද්ගලයකුගේ ම කාර්ය භාරය ඉතා වැදගත් බව ද අවාධාරණය කර තිබිණි.
බ්‍රිතාන්‍ය ඔටුන්නේ හිමිකරු චාර්ල්ස් කුමරු දින 07ක් ස්වයං නිරෝධායනයේ ගත කිරීමෙන් අනතුරුව අද (03) මුල්වරට ප්‍රසිද්ධියේ පෙනී සිටියේය.

ඒ රැජිනගේ බැල්මෝර් වතුයායේ පිහිටි ඔහුගේ නිවසේ සිට වීඩියෝ සබැඳියකින් රෝහලක් විවෘත කිරිමේ අවස්ථාවකට එක්වෙමිනි. නැගෙනහිර ලන්ඩනයේ එක්ස්එල් මධ්‍යස්ථානයේ කොවිඩ්-19 රෝගීන් සඳහා ප්‍රතිකාර කිරීමට මෙම රෝහල විවෘත කෙරිණි.

(බීබීසී ඇසුරිණි - 085)

අදහස් (13)

බ්‍රිතාන්‍ය මහ රැජින ජාතිය ඇමතීමේ සූදානමක්

de silva Friday, 03 April 2020 03:41 PM

මහා රැජින ඉදල හිටලා ජාතිය ඇමතුවට, ලංකාවේ නම් ජාතිය අමතන මිනිසුන්ගෙන් අඩුවක් නැත. බාර් වහල ඇදිරි නිතිය දමල තිබෙන නිසා මේ දවස්වල ලංකාවේ ජාතිය අමතන මිනිස්සු නැත.

: 0 113

Siri Friday, 03 April 2020 03:54 PM

සමහරවිට චාර්ල්ස් කුමාරට රජකම පැවරීමට විය හැකිය.

: 124 101

ප්‍රින්ස් චාර්ල්ස් - ලන්ඩන් Friday, 03 April 2020 09:13 PM

අපෝ මට එපා. මට කොරෝනත් හැදිලා ඉන්නේ. මට ටිකක් විවේකය අවශ්‍යයි. ඔන්න ඕක ලෝකයේ දුප්පත් රටක කාට හරි දීලා දාන්න. හැබැයි ශ්‍රී ලංකාව කියන දුපතේ පාර්ලිමේන්තුවේ ඉන්න හොර ගෙඩියෙකුට හෙම දෙන්න එපා. ඔවුන් දැනටම ඒ රට හොරාකාලා ඉන්නේ...

: 15 20

RaveendraSaturday, 04 April 2020 06:49 AM

කව්ද ඔබට කිව්වේ දියවන්නාවේ මීහරක් පට්ටියේ හොරු ඉන්නවා කියල? ඉන්නේ නියමම හාරත අම්බරුවෝ ටිකක් හොදේ... මේ නිකං පද හදන්න එපා තේරුනාද? ඔබ හිතුවද අපේ පිං වැල් ටික තනතුරු තානාන්තරවලට කෑදරයි කියලා ...

: 9 22

Eranga Saturday, 04 April 2020 12:48 AM

බ්‍රිතාන්‍ය රැජිනට මහ රැජින කියන්නෙයි අනෙක් රටවල රජවරුන්ට නිකං රජවරු කියල කියන්නෙයි ඇයි. ඉංග්‍රීසියෙන් නම් කියන්නේ Queen කියල විතරයි. ඇයි සිංහලෙන් අපි 'මහ' කියලා කියන්නේ?

: 0 80

de silva Saturday, 04 April 2020 01:41 AM

බ්‍රිතාන්‍ය රජකම කියන්නේ කිසිම දේශපාලන බලයක් නොමැති , අපේ රටේ පළාත් සබා මෙන් වාර්ෂිකව විශාල ලෙස ජනතාවගේ බදු මුදල් විනාශ රටේ ප්‍රගතියට එතරම් දායක නොවන ආයතන දෙකකි. මේ දෙකම අහෝසිකිරීමට කාලය පැමිණ ඇත .

: 1 63

Raveendra Saturday, 04 April 2020 04:15 AM

හිරු නොබසින රාජ්‍ය විසි එසේ හිරු නොබසින ලෙස තම යුද බලයෙන් යටත් කල සියලුම රාජ්‍ය වලින් සමාව ගන්න හදනවද මන්ද? හොරාකාපු ඔක්කොම ආපහු දෙනවා කියයි නේද? එහොම වුනොත් අපේ දැන් ඔය ඉන්න සත්ගුණවත් නිදන් වධුල පරිශීලනය කල උස, කොට පිළිබදව නිතරම ගැටළු ආව මෙන්ම ලගදී වෛද්‍ය විභාගය සමත් වුනු පුතාට නැවතත් නිදන් පිළිබදව පස්චාත් උපාධිය ලබාගන්න අවස්ථාවක්...

: 0 62

සරදියෙල් Saturday, 04 April 2020 06:09 AM

ඉක්මනට අමතන්න. අධිරාජ්‍යවාදීන්ගේ අවසානය සනිටුහන් වෙමින් පවතී.

: 1 65

de silva Saturday, 04 April 2020 06:58 AM

මේ රැජිනටත් අපේ රනිල්ට වගේ අවරුදු 90 කට වැඩිවෙලත් ඊළඟ පරම්පරාවට බලය දීල ගිහින් විවේක ගන්න අදහසක් නැහැ.තවමත් මේ ගොල්ලට කඩේ යන මෝඩ මිනිස්සු ලෝකේ පුරාම ඉන්නවා .

: 0 60

Walter White Saturday, 04 April 2020 07:38 AM

බ්‍රිතාන්‍ය රැජිනට මහ රැජින කියන්නෙයි අනෙක් රටවල රජවරුන්ට නිකං රජවරු කියල කියන්නෙ ඇයි? ඉංග්‍රීසියෙන් නම් කියන්නේ Queen කියල විතරයි. ඇයි සිංහලෙන් අපි 'මහ' කියලා කියන්නේ? එරංග එහෙම වෙලා තියෙන්නේ රැජිනගේ මවු රැජින ජීවත් වෙලා සිටි කාලයේ ලංකාවේ මිනිස්සුන්ට ඔවුන් දෙන්නා වෙන්කරලා තේරුම් ගන්න රැජිනට මහරැජින කිව්වා, මොකද දෙන්නාම එලිසබත් නිසා, දැන් ඒ නම සින්න වෙලා,

: 1 1

රුක්මාල් Saturday, 04 April 2020 07:59 AM

චන්ද්‍රිකා නෝනා, ඉස්සර ජාතිය අමතනවා වගේ තියේවිද?

: 0 0

මාර්ක් Saturday, 04 April 2020 08:02 AM

හිරු නොබසින අධිරාජ්‍යයේ උත්තරීතර පිදුමට ලක්ව සිටින එළිසබත් මහ රැජිනටත් අපහාස කරන කැනහිලුන් සිටින බව සිතමි. එය ඔවුන්ගේ වරදක් නොව පරපුරේ අමන ගතියකි. පොදු රාජ්‍ය මණ්ඩලයෙන් ඉවත්වීමේ උඩඟුවෙන් පෙළුන අය තේඋගුර බොමින් සුද්දට බනින පුහු මහන්තත්වයෙන් පිරුණ රටකනේ අපිත් ඉපදුණේ.

: 83 9

de silva Saturday, 04 April 2020 09:35 AM

එංගලන්තේ මිනිස්සු රජපවුලට සලකන්නේ අතීතයේ එම පරම්පරාවෙන් රජවුණ රජවරු අපි වැනි යටත් විජිත රටවල් බලෙන් කොල්ල කාල එම ධනය එංගලන්තෙට ගෙනවිත් සුරපුරයක් කල නිසා කියමුකෝ , අපේ ලංකාව වැනි යටත් විජිතවල ජිවත් වෙන මිනිස්සු රැජිනට සලකන්නේ කුමක් නිසාද යන්න මට තේරුම් ගන්න බැහැ.?

: 0 1

ඔබේ අදහස් එවන්න

Covid19

නව කොවිඩ් ප්‍රභේදයක් යුරෝපයේ පැතිරෙයි

2024 සැප්තැම්බර් මස 18 2299 1

එක්ස්.ඊ.සී ලෙස නම් කර ඇති දෙමුහුම් කොවිඩ් ප්‍රභේදයක් යුරෝපයේ රටවල් පුරා ශීඝ්‍රයෙන් ව්‍යාප්ත වෙමින් තිබෙන බවත් ඉතාමත් ඉක්මණින් එක්ස්.ඊ.සී ප්‍රධාන ප්‍ර

අ’පුරෙන් කොරෝනා මරණයක්

2023 දෙසැම්බර් මස 29 1191 1

කොවිඩ් 19 වෛරසය වැළඳී අනුරාධපුර ශික්ෂණ රෝහලේ නේවාසිකව ප්‍රතිකාර ලබමින් සිටි කාන්තාවක් අද(29ද) මියගොස් ඇතැයි රෝහල් ආරංචිමාර්ග කියයි.

අලුත්ම කොවිඩ් 19 ප්‍රභේදය: ’එරිස්’

2023 අගෝස්තු මස 07 2806 0

නව ’කොවිඩ් 19’ වයිරස ප්‍රභේදයක්, මේ වනවිට, එක්සත් රාජධානිය පුරා ව්‍යාප්ත වෙමින් පවතී.

කොවිඩ් අවදානම නැවතත්

2023 මැයි මස 01 967 1

කොවිඩ් ආසාදිතයින් 7දෙනෙකු ඊයේ (30)සොයාගෙන ඇතැයි සෞඛ්‍ය අංශ පවසයි.

කොවිඩ් මරණ තවත් 5 ක්

2022 අගෝස්තු මස 29 750 1

‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (29) පස්වරුවේ තහවුරු කළේය.

කොවිඩ් ආසාදිතයන් 114 ක්

2022 අගෝස්තු මස 25 955 0

‘කොවිඩ්’ වයිරසය ආසාදිත රෝගීන් 114 දෙනකු අද (25) අලුතින් හඳුනාගත් බව සෞඛ්‍ය සේවා අධ්‍යක්ෂ ජනරාල්වරයා පස්වරුවේ නිවේදනය කළේය.