කොරෝනා වසංගතය හේතුවෙන් එක්සත් රාජධානියේ දිනක් තුළ වාර්තා වූ වැඩිම මරණ සංඛ්‍යාව ඊයේ  වාර්තා විය.

පෙරේදා, එනම් බදාදා රාත්‍රියෙන් අවසන් වූ පැය 24ක කාලයේදී එරටින් වාර්තා වූ මරණ ගණන 938 කි. එදින මේ දක්වා කාලයේදී එක්සත් රාජධානියෙන් දිනක් ඇතුළත වැඩිම මරණ සංඛ්‍යාවක් වාර්තා වූ දිනය ලෙස සටහන් විය. අද පස්වරු 5 වනවිට එක්සත් රාජධානියෙන් වාර්තා වූ සමස්ත මරණ ගණන 7,111ක් දක්වා ඉහළ ගොස් තිබූ අතර එරටින් වාර්තා වූ සමස්ත ආසාදිතයන්ගේ ගණන 61,487ක් දක්වා ඉහළ ගොස් තිබිණි.

බදාදා දිනයේදී අඛණ්ඩව දෙවැනි දිනයටත් ඇමෙරිකා එක්සත් ජනපදයෙන් වාර්තා වූ මරණ ගණන 2,000කට ආසන්න විය. බදාදා දිනයේදී පමණක් ඇමෙරිකා වාර්තා වූ මරණ ගණන 1,922ක් විය.

කොරෝනා වසංගතය ලොව පුරා ව්‍යාප්ත වීම ආරම්භ වීමෙන් පසුව දිනක් ඇතුළත වැඩිම මරණ ගණනක් වාර්තා වූයේ ඇමෙරිකා එක්සත් ජනපදයෙනි. එරටින් වැඩිම මරණ ගණනක් වාර්තා වූයේ ඉකුත් අඟහරුවාදා (7) වැනිදාය. එදින පමණක් ඇමෙරිකා එක්සත් ජනපදයෙන් වාර්තා වූ මරණ ගණන 1,939කි.

විදෙස් වාර්තා ඇසුරිනි

055