IMG-LOGO

2025 ජුලි මස 19 වන සෙනසුරාදා


කොරෝනා පැතිරීමේ කේන්ද්‍රස්ථානය යුරෝපයට

යුරෝපය මේ වනවිට කොරෝනා වයිරසයේ කේන්ද්‍රස්ථානය බවට පත්වී ඇතැයි ලෝක සෞඛ්‍ය සංවිධානය කියයි. චීනයේදී වයිරසය ව්‍යාප්තියේ උච්චතම අවස්ථාවේ වාර්තා වූවාටත් වඩා වැඩි රෝගීන් ප්‍රමාණයක් ලෝකයේ සෙසු රටවලින් දිනපතා වාර්තා වන බව ලෝක සෞඛ්‍ය සංවිධානය පවසයි.

ලෝක සෞඛ්‍ය සංවිධානයේ ප්‍රධානී ටෙඩ්‍රොස් අද්නාම් ගෙබ්‍රෙයිසස් අද පැවසුවේ කොවිඩ් -19 වෛරසය හේතුවෙන් ගෝලීයව මරණ 5,000 කට වැඩි ප්‍රමාණයක් වාර්තා වීම 'ඛේදජනක සිද්ධියක්' බවයි.

“යුරෝපය දැන් වසංගතයේ කේන්ද්‍රස්ථානය බවට පත්ව තිබෙනවා“ යයි ජිනීවාහි මාධ්‍යවේදීන් අමතමින් ටෙඩ්‍රොස් අද (14 වැනිදා) පැවසීය

පසුගිය සඳුදා සිට යුරෝපයේ වාර්තා වූ රෝගීන් ගණන 16,000 කින් පමණ ඉහළ ගොස් ඇත. එය සාමාන්‍යයෙන් දිනකට 4,000 ක පමණ වැඩිවීමකි.

පෙබරවාරි මස මුල චීනයේ අර්බුදයේ උච්චතම අවස්ථාවේදී, දිනකට වාර්තා වූයේ රෝගීන් 3,000 ක පමණ සංඛ්‍යාවකි.
ප්‍රංශයේ ජනාධිපති එමානුවෙල් මැක්‍රොන් දැඩි දේශසීමා පාලනයක් පැනවූ අතර රෝහල් ධාරිතාව විශාල ලෙස ඉහළ නංවන බව පවසා තිබේ. ඉතාලියේ සහ පෝලන්තයේ කූඩාරම්වල තාවකාලික ඇඳන් මත සිටින රෝගීන් සමග වෛද්‍යවරු දිවා, රෑ නොබලා වැඩ කරමින් සිටින බවද මාධ්‍ය වාර්තා කර ඇත.

යුරෝපයේ වෛරසය ආසාදනය වූ පුද්ගලයන් 1200 කට වැඩි පිරිසක් මිය ගොස් තිබේ. එය ඉතාලිය තුළ පමණක් 1000 ඉක්මවයි.

ස්පාඤ්ඤය සහ බල්ගේරියාව යන රටවල් දෙකම වයිරසය සම්බන්ධව හදිසි තත්වයක් ප්‍රකාශයට පත්කර තිබේ.

ස්පාඤ්ඤයේ මරණ සංඛ්‍යාව 120 දක්වා ළඟා වීමත් සමඟ පොලිසිය අද (14) බාර්සිලෝනා නගරයට පිවිසෙන මාර්ග හතරක් අවහිර කිරීමට පියවර ගත්තේය.

- 085



අදහස් (0)

කොරෝනා පැතිරීමේ කේන්ද්‍රස්ථානය යුරෝපයට

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 550 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site