(ඩිල්ෂානි චතුරිකා දාබරේ)
කොරෝනා වයිරසය වසංගත තත්වයක් ව පවතින මේ කාලයේදී පුද්ගලයකුට හෘදයාබාධායක රෝග ලක්ෂණ මතුවූයේ නම්, අනුගමනය කළ යුතු උපදෙස් කිහිපයක් සෞඛ්ය ප්රවර්ධන කාර්යංශය විසින් මහජනයාට දැනුම් දී තිබේ.
වෛද්ය උපදෙස් ඇතුළත් නිවේදනයක් නිකුත් කරමින් සෞඛ්ය ප්රවර්ධන කාර්යංශය මේ බව කියාසිටී.
විනාඩි 10ක් හෝ 20ක් පවතින පපුවේ කැක්කුම, පපුවේ තද ගතිය, පපුව හිරවෙන ස්වභාවය සහ පපුවේ අපහසුතාව හෘදයාබාධයක ලක්ෂණ බව හඳුනාගත යුතු බව එම කාර්යංශය නිකුත් කළ නිවේදනයේ සඳහන් වේ.
එම ලක්ෂණ ඇති වූ පුද්ගලයකු වේ නම්, ඇස්ප්රින් පෙත්තක් හපා කෑම මූලික පියවර වශයෙන් ක්රියාත්මක කරන ලෙස සෞඛ්ය ප්රවර්ධන කාර්යංශය දැනුම්දෙයි.
වහාම ළඟම ඇති රෝහල වෙත යාම හෝ සුවසැරිය ගිලන් රථ සේවාව සඳහා 1990 ඇමතිය යුතුය.
උණ, උගුරේ වේදනාව ඇත්නම් රෝහල තුළදී අදාළ වෛද්යවරයා හමුවී ඔහුට ඒ බව පවසන ලෙසද සෞඛ්ය ප්රවර්ධන කාර්යංශය වැඩිදුරටත් පවසයි.
COMMENTS
දැන්නම් ඉතින් කන්න නැතුවා තමයි මැරෙන්න වෙන්නේ.
කොරෝනා කෙසේවෙතත් පවතින තත්වය මත ප්රතිකාර කිරීම ප්රමාදවීම මත විශාල සංඛ්යාවක් වෙනත් රෝග වලින් මියයනවා .... නැතිනම් සදාකාලික රෝගීන් බවට පත් වෙනවා.
සුව සැරිය එපා කිව්වත් අද සුව සැරිය නැතුවම බැහැ.
ලංකාවේ හෘදයාබාධයක් ඇතිවේගන එනවිට කරන්න කියල තිබෙන දෙයම තමා ඇමෙරිකාවෙත් කියන්නෙ. එවැනි රෝගයක් තිබෙන කෙනෙක් ඇස්ප්රින් පෙත්තක් සැමවිටම තමා ළඟ තබාගන්න ඕනෙ. නිවේදෙනයේ සදහන් පරිදි වේදනාවක් ඇතිවුන අවස්ථාවක එම පෙත්ත මුකයතුල දියවෙනතෙක් හපා ගිලින්න. දියවෙන්තෙක් ගිලින්න එපා කියනවා. එසේ කියන්නෙ තම මුකය තුලිනුත් තමාගේ රුධිරයට ඇස්ප්රින් එක්වී ලේ කැට ඇතිවීම සුළු මොහොතකින් නතරකරන නිසා...