කොරෝනා වෛරසය ආසාදනයෙන් ඉන්දියාවේ මේ වන විට සිදුවී ඇති මරණ සංඛ්‍යාව 54 ක් බවට පත්ව තිබේ.

වෛරසය ආසාදනයී වී සිටින මුළු රෝගීන් සංඛ්‍යාව 1,725 ක් වන අතර ඉන් සුවය ලැබූ සංඛ්‍යාව 158 ක් වේ.

මේ අතර දිල්ලි නුවර රෝහලක නේවාසික වෛද්‍යවරුන් දෙදෙනෙකුට ද වෛරසය ආසාදනය වී ඇතැයි බලධාරීන් අද නිවේදනය කර තිබේ.

ඒ අතරින් එක් වෛද්‍යවරයෙකු වෛරසය ආසාදිත රෝගීන්ට ප්‍රතිකාර කළ අයෙකි.

වෛරසය ආසාදනය වී ඇති අනෙක් වෛද්‍යවරිය විදෙස් සංචාරයක නිරත වී පැමිණි තැනැත්තියකි.

මොවුන් දෙදෙනා සමඟ සම්බන්ධතා පැවැත්වූ රෝහල් කාර්ය මණ්ඩල සාමාජිකයින් ද පරික්ෂාවට ලක්කර ඇති නමුත් ඔවුන්ට වෛරසය ආසාදනය වී ඇතැයි තහවුරු වී නොමැත.

-226-

(ඉන්දියා ටුඩේ ඇසුරෙනි)